郁郁B都好好啊~

我地上個星期六 29/08/2009 又去左一次迪迪尼~~因為想趁仲有史迪仔做主題呀麻.

今次我地做足準備, 太陽帽, 大量水水, 風扇仔, 毛巾仔, 郁爸同郁郁B都帶兩件衫, 最緊要帶埋BB車, 真係舒服好多了~~

今次我地搭港鐵去, 唔駛一個鐘就去到迪迪尼了, 不過就煩D, 要轉三次車...

帶左BB車真係"三贏"嫁~~郁B可以坐得好舒服, 累時又可以係車仔度訓下, 郁爸就唔駛成日抱住郁郁B已經覺得好輕鬆哪~

郁媽既物品及袋就可以放係車仔度, 唔駛拎~~舒服到暈呀~~

呢個史迪仔氣球要80大元嫁~不過真係好襟玩, 個位姐姐話個氣球最多LAST到一個星期, 個氣球到今天仍然都係脹卜卜既...

呢個迪仔, 今次先見到~所以都影張相先~~~~

郁郁B一身迪仔FANS打扮, (郁郁B自己要求要拎呢件黎著既呢~~)

由於上次已經算影左好多相, 所以今次主要都係玩多, 影相就少返D~~郁郁B好開心呀~~騎馬仔, 一經過就係甘嗌"馬~~馬~~"

我地今次咖啡杯, 木馬及小飛象都玩左兩次呢~~

我地仲堅持睇埋煙花呢~~~郁郁B騎膊馬甘對住D煙花嗌"BOMB~~~~BOMB~~~~" 好令呢~~~~

睇完煙花全世界既人都一齊散, 我地就入去D鋪頭度涼下冷氣先, 等D人走甘D先行

我地走既時候就搭巴士, 9點開車,,,10點幾先返到屋企呢~~

郁郁B說話能力大躍進~~

郁郁B終於能夠正確地叫"爸爸"了~~~之前佢叫"爸爸"個音, 係同"媽媽"一樣嫁~~

不過而家佢終於能夠分別叫"爸爸" 同埋"媽媽"了...雖然佢有時都會攪錯...

仲有既就係

郁媽說: ONE!! , 郁郁B就會答: TWO~~

郁媽說: THREE!! , 郁郁B就會答: FOUR~~

好搞笑嫁~~

郁郁B識講既野, 一見到就會係甘講, 例如"魚", 佢一見到魚係就係甘嗌"魚~~!!!魚~~~~!!"

電視一播歌, 佢就會拎住個保齡球樽當MIC甘唱歌~~仲要左搖右搖好有台風甘嫁~~

講住甘多先~~