郁郁B大過左好多, 識講左好多野,,,直頭講野講到你煩甘滯, 係甘叫"爸爸, 爸爸, 爸爸, 媽媽, 媽媽, 媽媽....."

額頭都好返八八九九了~~

郁郁B下個月就2歲生日了..

我仲未諗到搞唔搞生日會WO....

上年分左幾次搞, 家人一次, 契媽+POLY同學仔一次, PIKKI佢地又一次...整沙律整到我熟手技工甘....

真係好煩惱呢....麥記個D好似好貴甘WO...

都唔知點算...

遲D先諗吧~!!!

郁郁B下個月亦都係佢開卷有益既日子, 郁郁B在11月4日就會開始返學的了..

不過好遺憾既係, 我係冇可能請到假陪郁郁B返學呢....

呢個責任, 唯有交比請假容易既郁爸去做哪, 郁爸已經請左11月4日, 5-6日三天陪郁郁B返學嫁哪..

但上次我地去學校交學費時, 郁郁B都一支箭甘走左去唔理我地, 我都放心既!!

呢幾日最令我煩惱既就係, 我同郁郁B一起病左lo, 應該係郁郁B傳給我的...

睇醫生用左好多錢, 好彩我公司份保險有得CLAIM返D...但郁郁B既就冇得CLAIM...冇計, 唔通唔睇咩, 冇可能呀~~~~~

希望郁郁B大過D, 身體會變得強壯返D哪...

上個星期六, 陪媽咪去金都個度租99裙, 都係去返三嬸租個間, 算平既, 500元一套.

媽咪初時揀左兩套, 一套銀色有閃閃小外套既類似旗袍款, 一套祖紅色絨面旗袍, 跟住我特別追加一條香檳珍珠米白色的旗袍, 係FOR斟茶同去註冊處時著..

媽咪既99裙都搞掂, 嚇然發現而家都已經10月尾了, 但我仲未買到/租到晚裝既....

好彩有HUMAN~~今日我放左工就同三嬸去左HUMAN介紹既地方買晚裝~~~

都OK呀~我好快就揀左兩套啦~一條紫色絹面長裙, 一條祖紅色短裙, 兩條都偏深色, 好莊重~~好襯我係三叔同我細佬既大囍日子穿著~~

而且仲係買斷嫁~~~

下次到英叔或堂兄弟姊妹結婚都可以著啦~~~~~

兩條裙加埋780元 (長裙480元, 短裙350元), 細佬有資助我500元, 甘我都係出280元咋~~抵呀~~~~

總算煩少左樣野啦~~~好開心~~兩條裙都好令的~~合哂我既心意~~~~

12月頭就有得拎啦~~~

未來展望,,,忙爆, 下個星期二, 三, 四都有客黎, 星期三同四仲要係黎親都玩到11-12點個位衰客~~~

真係想用掘頭掃把趕佢走呀~~~~~~~~整足成日都係得個十幾款,,慢到死呀~~~

呢個星期六, 我地會同郁郁B再去迪迪尼啦~~買左年票唔去物浪費~~

我地盡量一個月去一次~~~哈~~~盡量...上個月都冇去哪...

下個月11月7日, 我和郁爸就打算同郁郁B去迪迪尼, 晚上係酒店有一個有史迪仔一齊食既BUFFET, 我諗郁郁B見到迪迪會好開心~~

而且有全年通行証去食BUFFET有八折~~都係200頭到一個~~~都OK吧~~

我覺得迪迪尼酒店既BUFFER都係好正嫁~~~

好味過好多係尖咀既所謂名酒店...好似上次睇煙花個次,,,真係勁渣.......自己比全費一定唔會去~~~~

今個星期日要去拜芬姑姐, 每年我地都有去(除左我陀住BB個年冇去), 唔經唔覺, 芬姑姐都走左6年了...

但我仍然覺得她就在我們的身邊守護住我們!!! 所以我地郁家先至天天都甘開心~~