|
今晚郁爸 同郁媽撇甩郁郁B, 同三叔一齊去左旺角, 一來為郁爸新造一套西裝用來三叔結婚時穿, 二來郁媽想食韓燒好耐的了.
之前擇左今日去食的~
我地都掙扎左好耐, 好唔好帶埋郁郁B出黎
有見郁郁B近排扭計扭得甘勁, 而且韓燒又唔係幾口岩郁郁B食, 費事好似上次甘食完又黎病病.
所以最後都決定唔帶郁郁B出去~~
真係好耐未試過食餐甘舒服既飯啦~~~
而且仲要食得好自在, 好好味~~大滿足呢~~~~~~
以下呢單係由郁爸提供既郁郁B沖涼趣事, 我覺得好好笑, 所以決定寫低佢.
話說郁爸同郁郁B沖花灑浴, 郁郁B見到郁爸肩膊上兩邊都各有一顆墨, 就係甘指住郁爸粒墨係甘嗌~
郁爸就指住郁郁B既肩膊話: 係WO! 郁郁B膊頭冇墨嫁WO, 爸爸先有WO~~~!!!
郁郁B望下自己個膊頭, 果然冇墨..
跟住再望落小小
就同郁爸講 : 爸爸~!! 有呀! 有呀
郁郁B 一路指住自己個奶之一路講...
郁爸笑到停唔到!~~
| 
