甘都搞到喉嚨偏桃線發炎發甘高燒!!!

醫生話冇得解, 唯一既可能就係遺傳左郁爸D好野 (郁爸既喉嚨又係勁容易發炎個隻)

同埋有機會係, 郁郁B鐘意擺手仔入口, 甘手仔有細菌, 感染到喉嚨, 就會發炎LO...

郁郁B!!!! 所以媽咪一向都唔準你食手手呀!!!!!

今次係一個新既醫生, 之前冇睇過的, 但這位醫生在藍田都幾出名, 勁多人睇, 每次去都等好耐的...

睇開那位醫生, 唔係唔好, 不過每次病病, 都起碼要睇兩次先好返哂...所以先諗住轉下醫生, 睇下會唔會同郁郁B夾D, 睇一次就會好返

我同郁爸點都估唔到, 呢位醫生開既高燒退燒藥, 郁郁B食完竟然有敏感反應!!!

手仔, 腳仔腫哂, 個身出哂紅色一撻撻既風癱!! 郁爸就馬上打去醫務所問過究竟, 醫生話甘既情況, 應該係藥物敏感!!!

奇怪!!!!我同郁爸都冇藥物敏感嫁~~~點解郁郁B會有既呢.........真係好奇怪呀!!!

唯有唔好再比郁郁B食呢隻高燒退燒藥哪...

跟住過兩個鐘度, D 手腫腳腫, 風癱就會自自然然退哂....

第二天早上, 立即同郁郁B去睇返睇開個位醫生啦~~

醫生開返D抗生素, 消炎藥, 退燒藥, 由於郁郁B今次燒得特別高, 所以醫生都開左兩粒塞肛藥~~~

郁郁B有兩次食完退燒藥都仲係39.9, 所以都比我地塞左佢兩次呀!!! 認真陰公豬哪~!!!! 不過, 塞完藥真係好快就開始退燒, 我同郁爸先放低心頭大石...

原本係昨天試學的, 但由於郁郁B昨天中午又發燒, 所以今天才正式試學了~~

今天我都份外緊張, 郁爸特登請左幾日假同郁郁B開學, 我就係甘打比郁爸, 問郁郁B今日有冇發燒, 情況點樣

郁爸話郁郁B情況OK, 冇發燒, 於是準時1:30 就帶郁郁B去返學了~~

入學校門口前要先洗手呢~~郁郁B好叻叻~~洗完手識得自己去拎紙巾抹手仔~~~

郁爸話郁郁B比老師拖住, 就絕塵而去了, BYE BYE都冇同郁爸講呢..

郁爸仲話, 郁郁B一D都冇哭, 剩係ON 居居甘 跟住老師, 同學仔行黎行去~~

由於郁郁B冇哭, 所以老師就叫郁爸離開

今天係試學, 只係返一個鐘, 老師就叫郁爸一個鐘後先黎接郁郁B放學

郁爸就2:30先返到學校諗住接郁郁B放學..

點知, 郁郁B掛住玩緊既車車, 唔肯跟郁爸走呀~~~~~~

要郁爸強行帶走呢!!!

真搞笑, 第一天返學, 冇哭, 仲唔肯走TIM.....

郁爸唯有用紙包蛋糕黎引郁郁B走哪..

郁郁B話:頭先返得一個鐘頭學, 冇茶點食嫁, 好彩而家有紙包蛋糕咋~!!!!

郁郁B的冬季校服LOOK OK嗎???(註: 裡面係件白色普通底衫, 因為郁郁B係學校整濕左件校服, 所以換左帶去既底衫...)

郁媽好感動呀~~郁郁B大個仔返學啦~~~

明天郁媽都請左半天假陪郁郁B返學呢~~~

希望到時我忍到唔會哭出來吧~~~~

老師話郁郁B係試學既一個鐘頭裡面, 都冇哭過, 亦冇搵過爸爸, 媽媽

所以明天會試學兩個鐘

星期一好大機會就會返3個鐘, 即係正常時間嫁啦~~~~~~

等我明天影多D相先得~~~~

大家等我呀~~