而家得我一個係屋企咋, 因為郁爸同郁郁B出左去掃墓呢,,,阿LI姐姐今天又放假！

真係好清靜呢,,,好耐都冇試過甘清靜哪...

以往我都有一齊去掃墓嫁, 今日係去荃灣, 拜際郁郁B既太爺爺, 下個星期就會去拜際郁郁B既六姑婆..

唔好以為去掃墓會係一件好傷感既事呀, 對於小朋友黎講, 係好好玩既事就真！

因為每年去完拜太爺爺, 到會轉到去附近的公園開餐的！好多野食嫁~~好似野餐甘！

睇到今早三叔三嬸黎接郁郁B去食早餐時, 著哂情侶裝甘, 就知道佢地似去野餐多過去掃墓啦~~

只不過今年因為我陀住細郁, 所以今年我係唔去得掃墓既, 要等細郁出左世先去得！

所以就唯有得我一個留係屋企啦~~

近日真係成日都比郁郁B講既野笑死左~~

昨晚食飯叫左碟菜膽雞, 點知郁郁B無啦啦講左一句 "媽咪, 我地一齊食'貧能雞' LO!!"

佢係麥兜都學返黎既.......

呢幾晚, 郁郁B成日捉住我講故仔比佢聽: 媽咪拎住呀(拎住本書)！媽咪講呀!!

郁媽話: 我講完哪...

郁B話: 未講完呀！再講啦！

就係甘, 同一個故事, 我一次過, 講左三至四次....郁郁B才肯罷休......