同平時返工沒有兩樣, 仍然都係8點唔夠就要起床.

因為要同郁郁B返學麻...

唯一分別只係我無帶CON, 無化妝, 素顏落街

送完郁郁B返學

就去健康院做產檢

這兩個星期我只重了0.8KG

姑娘話進度唔錯, 不過都有提醒我而家放緊產假, 小心係屋企太得閒而會大量食立雜野~~~

姑娘話細郁個頭仔都落左一D, 但又未算好落..

我即刻問姑娘, 甘係咪唔會早太多出世呀?

但姑娘又話: 好難估嫁WO...

我好希望細郁係9月8日出世, 一來已經係農曆既八月初一, 過左恐怖七月~~

二來又可以同大郁一樣都係8號仔, 大郁係11月8日, 細郁就9月8日, 幾易記呀~~~

做完產檢, 剛好夠鐘去接大郁放學WO

由今個星期一開始, 大郁已經開學了, 不過星期一及二就ONLY返1.5 HRS

今天至星期五就會返ONLY 2 HRS

到下星期9月6日, 才會正常返3 HRS

原意是讓新入學的小朋友適應WO

但其實大郁返得兩個鐘真係唔夠喉呀

去接大郁時, 順便買埋校鞋, 上年11月入學時都只係穿27號鞋, 今次已經要買29號鞋了..而且仲加左價, 上次買都係75元, 今次已經加到80元了........

唉.....樣樣都加價, 係人工無加, 即係無形中減薪哪...

放產假時, 人工仲要得返4/5咋...

接完大郁返家, 我媽又過左黎, 又整花膠湯

三姑姐又過黎, 話趕住要拎個瓦煲黎煲薑WO....

到1點, 真係好累了, 大郁訓左之後, 我都走去訓左兩粒鐘..

訓醒之後, 一家人, 郁爸都係度 ( 因他昨晚返夜麻), 一齊去大家樂食TEA, 仲叫埋三叔一齊歎茶

三叔仲幫我拎埋之前三嬸幫我買既大花膠..成650元一斤, 但真係好大包~~可以食好耐~~~

跟住返家又要交卡數, 又要計今個月既駛費....

產假第一天,,,真係, 好忙, 好忙, 好累....

頭先大郁同郁爸玩時, 叫郁爸反轉, 跟手就札住郁爸...

郁爸就大叫: 媽咪呀~~~~~~

當郁爸想繼續講: 你個仔呀~~~

點知呢句"你個仔呀~~~"竟然比大郁講左....

大郁: 你個仔呀~~出黎睇下你個仔啦~~~~

笑到我地呢~~~~