根據郁爸同三叔既憶述

佢地2點去到studio, 就見到已經在影相的曹永廉, 仲有林保宜tim

林保宜見到大郁就先比左盒朱古力佢食, 大郁即刻同佢friend哂, 仲跟埋人地去拎蝦條食.....

三叔仲話, 林保宜喂大郁食蝦條, 大郁又喂林保宜食蝦條...簡直friend過打band呀!!

由於廣告裡面既曹永廉係著紫色衫既. 所以郁爸就同大郁講, 那個就係紫色爸爸了!!!

在大郁跟紫色爸爸同假媽媽影相時, 每影完一個shot, 紫色爸爸或工作人員就會獎大郁一條蝦條的了..

呢個情況, 就好似海洋公園裡面既海C, 頂完波波就會有一條魚食下甘....

大郁有蝦條既推動之下, 三叔形容大郁同紫色爸爸影相既親暱態度, 同郁爸影既簡直係有過之而無不及

又禽上人地個膊頭度, 又吱人地, 又攬又盛, 總之, 邊個有蝦條, 邊個就係爸爸!!!

這次影相過程, 最開心的莫過於大郁, 因為呢三粒鐘裡面, 係不停有人比D平時郁爸郁媽唔比佢食, 佢又勁鐘意食既零食朱古力!!係NON-STOP甘供應比大郁~~

但最辛苦的, 當然是郁爸哪, 佢昨晚返完夜, 今早11:30就要起身同大郁起行去柴灣了. 又要控制住失控的大郁...

希望星期五都係一樣甘順利啦~~