成家人馬上起哂身, 喂大郁食退燒藥, 大郁照慣例又係一見到D退燒藥就特登反胃嘔, 搞到我成褲都係嘔吐物. 不過我都已經習慣了..

所以我仍然好冷靜甘, 先喂大郁食退燒藥, 跟住順手捉大郁去浸暖水浴降溫, 搞掂哂, 我先去換返件衫同件褲

跟住我就陪在大郁身邊訓, 每降半小時就探一次熱, 睇下退燒未, 到天都差唔多光哂, 大郁先回復返正常體溫..

我先返去自己房再訓過..

雖然早上時候佢無發燒, 但大郁好累甘, 叫都唔肯起身. 我又驚佢返到學校又發燒, 反正我在家, 我就幫佢打返學校請病假

到中午時, 大郁既班主任都有打電話比我, 了解一下大郁既情況 ( 老C真係好關心大郁呢~~)

原定今天細郁是要去醫生度打兩個月的六合一第一針, 而家大郁都順道去睇埋醫生了.

我本想以為係姚SIR佢地比太多蝦條大郁食, 但醫生話唔關事WO, 大郁真係感親WO, 預左黎緊呢幾日都會甘樣發下燒, 退下燒, 又再發下燒甘...

希望大郁快D好返, 開開心心ENJOY甘多人為勞心勞力安排既生日會啦!!!

講返細郁打針, 可能佢大脾仔唔夠大郁個時甘多肉 (個時大郁打針時, 醫生見到大郁對脾, 都不期然講左一句"WAH, 對脾好多肉呀!")

我一捉住細郁手手腳腳時, 細郁好似都FEEL到唔妥甘, 已不斷甘樣哭~

醫生吉針落去時, 細郁就哭得更加利害了~~

細郁一打完針, 就到醫生睇大郁既病, 但細郁既哭聲係大到我講唔到大郁既病況比醫生知.........

大郁! 細郁! 你地最緊要健健康康呀!!!!!

細郁塊面大過PIZZA

賣花讚花香都係甘話~~細郁好可愛!!

兄弟同心, 其利斷金~~