由於大郁唔舒服 (呢一點好似得我地知, 大郁自己唔知自己唔舒服甘..), 大郁今天仍然返唔到學, 早上9點起身時都有點燒, 食左退燒藥好快就退左燒.

玩左一陣, 10點左右我又迫佢訓左一陣, 其實佢都好累, 唔係既話, 我迫佢都唔會訓啦~但佢搞左一陣就訓左啦~

到我地出門前10分鐘左右, 才叫大郁起身, 同埋食多一次甜甜 (藥水)先出發~

郁爸食埋個麵, 雖然通告係1300, 但我地成1245才真正上到的士出發呢~

最衰既就係今天整天都雨矇矇甘..

去到三育書院, 就要搵那個新教學大樓既護士實習室..

去到時, 工作人員都正在吃飯

我地又係坐係度等哪..

曹永廉行出去時, 見到大郁就說: 依~你黎左哪!

跟手又抱下大郁甘樣

之後, 林保怡出左黎, 又係第一時間拎左盒朱古力比大郁...

我地等左成兩粒鐘, 有位哥哥同我地講唔好意思, 要我地等甘耐, 因為出面落緊雨, 所以要諗下點拍..

再等左一陣, 就話拍得了, 叫大郁換衫.

我就趁機要求紫色爸爸 (曹永廉穿著紫色衫拍這個廣告)同大郁合照~

跟住就出去大草地, 依然係落住毛毛細雨呢...

導演要求大郁圍住棵樹, 扮住飛機甘跑, 然之後再跑返去紫色爸爸曹永廉個度

經過郁爸幫大郁排練一番後...終於好不容易, 才能夠完成這一個動作

因為大郁實在太自我了, 明明講好要跑5個圈, 但佢自己跑完一個圈就自己叫"停~"

一係就跑到出左去鏡頭外....

總之...要大郁跟指示做, 真係唔係甘易嫁...

第二個動作就易d, 就係由紫色爸爸同白色媽媽拖住大郁好開心甘跑, 仲要稱起大郁甘..但都跑左三次, 真係辛苦哂紫色爸爸同白色媽媽了, 因為大郁著實唔輕嫁麻...

TAKE 1

TAKE 2

TAKE 3

本來仲有一幕係要紫色爸爸湊大郁放學甘既, 但後尾因為天雨關係, 所以呢一場取消左wo

所以我地5點幾就可以走了~~

但其他人仲係度拍緊嫁