都唔知咩事係甘哭..為免嘈住大郁訓覺, 我就捉左細郁去我房度訓(剛好這晚郁爸要返夜),

細郁不停地散, 又扭計, 係都要人抱住, 又唔肯訓...

我以為佢熱, 於是我就開冷氣比佢訓, 佢訓左一個鐘度就自己醒左狂哭...

我以為佢想返自己張床, 於是我就抱返佢去大郁房度, 見佢好快就撲左去自己個枕頭度, 細郁個樣好累, 眼睛都睜不開了,, 但就是在哭, 不肯睡...

我也很累很累了, 明天都要返公司, 唯有交給姐姐照顧細郁..

第二天早上一起來, 姐姐就告訴我細郁在發燒, 而且仲燒到38.8度, 真係好高燒呀~!!!!!

於是我決定唔返公司, 同大郁返完學就順手帶細郁去睇醫生

我地9點去到診所, 點知都要排到10:45才到細郁睇....駛唔駛甘多人呀......

唯有去食早餐先哪...平時超愛吃東西細郁, 今次一點都沒有索取食物既行動呀~~~~~真令人好擔心呢~~~~~~

終於等到10:45去見醫生, 醫生細心地為細郁檢查耳仔及喉嚨, 可惜細郁極之不合作, 作出超強力的反抗~~~口水鼻涕咩都出哂黎!!!

好不容易才讓醫生檢查完畢, 醫生說細郁是中耳炎, 喉嚨都有點紅, 今次要食抗生素哪...要小心這幾天細郁都會發高燒, 所以比定d高燒退燒藥比我...

頭先強力反抗的細郁, 我一話睇完啦, 同醫生SAY BYE BYE LA! 細郁即刻變面笑哂甘說"BYE~~~" + 飛吻~~~

連醫生都驚訝地說: 嘩~~變得甘快~~!!??"

這一個星期真的是細郁的黑暗一週, 因為細郁每當吃藥時, 都會強力反抗一次, 食完藥, 細郁個頭係會出哂汗, 個身又有藥又有汗...次次都要換衫..

有時我見到細郁食藥時反抗哭鬧時, 我都真係好心酸, 好想哭埋一份....

其實我都知既, 因為今次加埋抗生素, d藥又真係幾難食既.....

不過無計哪, 邊個叫你病咩,,,唯有狠下心腸, 寧願快d完成好過慢慢拖仲慘啦....

食完一陣佢又無事, 繼續玩的了~~

細郁之後兩晚都有發燒, 但到星期五晚開始終於無燒了!! 太好了!!

到今天為止, 細郁都未有再發燒, 但仍然有鼻水及少少咳LO..

今天我最慘呀, 因為今天是星期日, 姐姐放假, 最無陰公喂細郁食藥既工作交左比我呀...個衰豬識吐返d藥出黎, 佢又大力, 所以我喂藥時係要好似打摔角甘鎖住佢, 之後再用匙撓開佢個口把藥灌落去!!

係好殘忍嫁~係哭得好淒厲嫁~但係唔甘樣做盞因為佢吐哂d藥出黎要再食過哪..

希望細郁快d好返唔駛再食藥哪..