上堂既地方仲要勁絕的收唔到電話, 又上唔到網, 所以就算帶左IPAD都無用武之地

今天我醒呀~~我帶左本書去睇, 就係之前買既"怪獸家長", 買左都幾耐嫁啦, 但一直未抽到時間睇

睇完現今之所以有港童, 全賴多得有怪獸家長的日夜訓練!!!

有一段睇完都覺得不能接受但又親身見證過類似的case

就是說有一個菲傭姐姐, 就算是星期日都會有埋她的少主一齊出去, 跟住佢返教堂, 跟同鄉會, 坐街

於是同鄉都問佢為何星期日都要湊仔

菲傭姐姐答道: 因為太太星期日想訓晏d, 所以就比多d錢比菲傭姐姐湊埋小朋友出街, 好讓太太能有一天休息

有無搞錯!!我覺得那個小朋友真的很可憐!!!

但我認識的人裡面, 的確有請了工人姐姐之後, 就完全唔理自己的仔女, 直頭將仔女推左比個工人姐姐甘.

晚晚放工後, 星期六日都自顧自的出街, 好似回復單身一樣!!完全忘記了自己有兩個仔女的!!

小朋友不是喂飽佢食飯就得嫁!!! 就算是細郁未夠兩歲, 佢都有感情, 有思想的!!

每當我或郁爸回到家, 細郁都會好快速地衝到門口迎接我們, 更大叫"爸爸""媽媽"!!!!

一叫佢出街, "TAKE YOUR SHOES" 佢就會興奮到蹦蹦跳!!

連童年都唔開心, 長大後怎會有樂觀正面的性格呢!!!

大細郁!!郁爸及郁媽絕對要捍衛你們有個快樂的童年!!!!加油~!!!!