因為嬌小的細郁要我抱住訓覺呀~~

昨天肩頸都仲係超痛!!

今天全天也在休息, 沒有離開過家門一步, 但感覺到自己好虛甘...連閙仔都無氣了...

幸好今天大細郁都尚算好乖.

昨晚去了契媽馬安山的會所BBQ, 對上一次去已經是大郁兩歲的時候了~

時間真的過得很快, 大郁今年11月就五歲了!!

朋友們都覺得我同郁爸太大聲, 太兇甘閙大細郁, 其實, 我們何嘗未試過細聲一點的跟他們說道理呀, 問題係, 偏偏你細聲, 唔兇地說, 佢地都會當正係耳邊風聽唔入耳的...

係要人地大聲, 好兇, 佢地先會知道事態嚴重, 爸媽唔係同佢地玩, 係認真的不可以, 他們的行動才會快點!!

所以, 我已經練好左"功夫"入面包租婆既獅吼功好耐, 我既大聲, 係由丹田發出, 絕不傷及喉嚨!!!

我甘兇, 都係想教出兩個有家教既孩子, 男仔一不受控, 他們力大, 好容易令其他人受傷, 當然佢地唔係特登甘去傷人, 但傷人就係傷人, 有意無意都唔好!!

大郁其實都好明白媽咪係好錫佢既, 但就係因為錫佢, 就更加要教佢, 要話比佢知, 有邊D野係應該做, 有邊D野係唔應該做

有次我罰完大郁, 佢仲哭緊, 我忍唔住問佢, 媽咪甘兇罰你, 你會唔會嬲左媽咪!

大郁卻答: 唔會, 因為我知媽咪好錫我, 只係我做左曵野, 所以媽咪才罰我!

大郁真乖!!!