我地坐左2個多小時既車, 就到左富士山山腳位置的富士急遊樂場, 那裡有3個很得人驚的過山車~實在太恐怖了~我完全冇諗過會去玩~

但阿文話自己一個去玩唔開心, 所以佢都冇去玩到..

我們唯一玩既機動遊戲(我諗都算掛..)就係一座很高的幸福摩天輪~我地仲係坐透明的車箱~升到好高, 其實都好得人驚嫁~~~

在富士急最開心的又係阿文, 因為比佢見到有鬼太郎同高達~~

係富士急吃午餐~今天的午餐是燒肉~~都幾好味, 有D似韓國燒烤, 但就只有一些豬肉, 份量亦唔多~好彩有白飯, 唔係既話一定唔飽~

2:00 PM就離開富士急, 轉去滑雪場。在路邊都見到好多積雪呢~~~但又唔係想像中甘凍WOR~因為有可愛既太陽伯伯麻~~

我原本都唔諗住玩滑雪既, 但我又好想可以陪到阿文玩, 則才係富士急既時候已經陪唔到佢玩個D過山車(因為我知我玩完我會冇命的~)所以今次我就決定捨命陪阿文哪~

4500YEN(HKD300)--租滑雪用具, 我同阿文好型甘係雪地上影左兩張相, 跟住我滑左一假仔路..已經好驚, 玩唔到落去哪....於是我還是決定唔玩了~只是看著阿文傻豬甘SIR落黎, 又好傻豬甘行返上去, 又再滑過...係得佢甘落力甘行上滑落, 我先覺得回返D本!

富士山真的很漂亮呢~~但一酊4:00幾, 就開始日落, 就開始變得勁凍~~有熱貼都冇用~~勁凍~D風吹埋黎係會凍到你頭都痛埋既~~導遊話得6度咋~

5:00 PM, 我們就開始返酒店哪~中途停一停去便利店, 我們就發狂甘買杯面, 零食及飲品~

今晚我地就住係富之湖溫泉酒店~~

今晚既重頭戲就係浸溫泉哪~~係要赤裸裸甘嫁~~我們避開了多人的時間~約定了半小時後返出去門口度等~

入到去要先沖涼, 跟住先浸. 都冇物人甘~我試過行出去露天溫泉那邊, 但一推開門, D寒風就強吹~~我都係浸室內那個好了~~

浸完溫泉...成個人都暖哂~

但係...就係好熱...成晚都訓唔到....