又係踢波整親呀!!!!

阿文昨晚跟他的同事去踢波, 係未換衫, 未換鞋, 未熱身..甚至連眼鏡都未除就走去踢波。

結果未夠30分鐘, 我就收到阿文的電話，話整親膝蓋位, 而家叫左白車入醫院...

聽完電話之後, 我就立刻趕去醫院哪...

去到醫院, 大約是晚上8:45分..只見到阿文坐著輪椅, 右腳牛仔褲被剪開左, 但神情仲好輕鬆甘.

我就一D都唔輕鬆呀！今次已經係我第二次收到阿文打黎話踢波整親腳要入急症哪!擔心死我呀！

陪佢一齊入院既同事見我黎到, 就馬上話"大家都唔想既..唔好罵佢....."

即係話阿文一整親, 就成日講住"實比老婆閙死...."

係急症見完醫生, 要去照X-RAY, 照完X-RAY, 醫生話可能有舊骨崩左...要轉去骨科, 仲要留院TIM......

我陪阿文上埋骨科病房..見埋骨科醫生, 都成11點幾先走.....

見到阿文比醫生扭隻腳既時候好痛甘...我又有D忍唔住想哭.....

今天, 我一收工就要走去探阿文...唔知仲要住幾多日醫院呢....

希望佢快D好返, 快D出院啦.....

阿文呀~~你唔好再令我甘憂心啦!好冇！