屋企得我自己一個...再加上今早發生左甘多令我好唔開心既事

唉, 大肚婆既情緒又再次失控, 我就無啦啦就好似雪崩甘哭起上來...

好不容易才平伏返我既心情, 訓左一陣晏覺. 到6點到就開始換衫..化妝, 總覺得今天都係想化下妝, 令自己靚D或許心情會好返D..

到左6:30, 阿文打電話黎話佢就黎收工, 問我換衫未, 同埋陣間係阿麻屋企等(因為佢正係太古做野, 由太古去藍田好近)

但係, 我聽完呢個電話就更加唔開心...

我最討厭佢話直接係邊度等!! 特別係我而家甘鬼大個肚, 又落雨又盛...

於是我7:00左右再打比佢, 問佢係邊, 佢就話而家係鰂魚涌地鐵站！

我就火到黎埋"你有冇攪錯嫁, 落雨又盛都可以丟低個大肚老婆唔理既!!!"

跟住佢就好似立即補飛甘講"我都冇話唔過黎接你, 我返緊黎旺角嫁啦, 我到左附近再打比你啦."

一見到我先講對唔住, 又話我應該一早就知佢係粗心大意既人...

我已經冇禮物, 冇慶祝哪...你對我好D得唔得嫁!!!

其實你只要做小小野, 我已經會好開心嫁啦!!! 點解連小小野都唔做WOR..