|
今天都好開心甘訓到12點先起身，睇完套"改造人之戀"之後打比C TING, 原來佢係花園街呢~仲問我一唔一齊行.
作為一個就黎要生既大肚婆, 當然係行多D好D啦~而且我諗起都係時候幫阿B買定D和尚袍同紗巾.
所以就馬上出去同C TING會合哪.
阿文朋友及大芳姑姐比既衫仔裡面大約都已經有5-6件既白色和尚袍, 所以我今次就幫郁郁B再買多6件和尚袍就夠哪. 因為都係初生既時候著, 好快就會唔口岩著, 所以唔駛買甘多住.
仲有既就係, 原來和尚袍唔係得白色嫁, 仲有藍色啦. 黃色啦, 橙色啦同粉紅色~~我一見到件藍色既和尚袍, 已經好鐘意啦~~真係好可愛呢~~
郁郁B係男B, 我就幫佢買左藍色同黃色. 郁郁B著起一定好SHAPE醒~~
有顏色既和尚袍:HKD8.00/PC, 白色和尚袍: HKD7.5/PC
仲有買左2打雙層既紗巾. 都幾貴嫁, 白色沒有圖案或顏色既HKD28/半打, 如果係有圖案或顏色的話, 就要HKD32/半打。
我就覺得紗巾買白色既就好OK哪~
哈哈~仲有我見到一件外套仔, 真係好口岩郁郁B嫁~我即刻就決定買左比阿B哪~~真係好得意嫁:
 郁郁B既外套仔: HKD10.00/PC, 口岩哂好動活潑既郁郁B~~~
| 
