到現在, 我擺酒都未夠一年, 昨晚, 竟然比我見到近門口位置, 有好幾袋狀似垃圾既野.

我就走埋去睇下. 唔睇由自可, 一睇把幾火~~~

原來呢幾袋野全部都係原本擺係我以前間房裡裡面既, 裡面包括有好多我既相簿, 由細到大既班相, 成績表...全部都係我少女時期既物件！

雖然而家間房已經成為左我細佬同肥妹既愛巢, 但駛唔駛甘呀~

你嫌我d野阻住既可以同我講, 我返黎執走去呀~不過我而家大住個肚, 都無辦法一次過執走哂d野. 我物慢慢執lor, 駛唔駛將我d野好似垃圾甘掉左出廳呀, 仲要係門口位, 差兩步就可以拎出門口度丟掉甘!!!

仲要整到我d相架爛埋, d相又皺哂...執左出去又唔同我講聲!!

我都奇怪點解房裡面會冇哂我d野!

最嬲既係, 佢地丟掉我d野, 將書櫃空出來既位, 係用來擺佢地d扭蛋公仔呀, 毛公仔呀, 米奇老鼠, winnie the pooh, hello kitty, 咩都有....有冇攪錯呀~~~~~佢地心目中仲有冇我呢個家姐嫁!!!!!

仲有, 我係房到見到個相架係我既, 但張相就換左係我細佬同肥妹!我原本個張相就唔知去左邊~~~!!!!

即係話, 佢地覺得口岩用既, 就問都唔問就拎左黎用, 唔口岩用既就好似垃圾甘丟左出去!!!

有時我真係覺得, 阿文既屋企人似我真正既屋企人多d呀~~~~~~鳴....

自從我細佬跟呢個肥妹一齊之後就變得好討厭呀!!!!!!!