|
今早去左產檢，一早9:15就要到, 本來郁郁b爸爸會陪我去的, 因為今早除了係做檢查之外, 仲要聽講座, 教應付陣時既呼吸, 點樣幫bb探熱, 同點樣幫bb沖涼, 洗臍帶甘.
但最後得返我一個人去, 因為郁郁b爸爸要為奶粉錢去努力開工..都有d失落嫁, 見到人地有老公陪埋一齊去聽, 我就得自己一個人...
聽完講座, 的確係對整個分勉過程清楚左, d人成日話個子宮開左幾多度, 原來每度就等如1 cm，當你既子宮開夠3度(3 cm), 佢地就會推係入產房預備, 係產房等到子宮開夠10度(10 cm)先至可以真正用力把bb推出黎..子宮度數開得越大, 代表會越痛之外, 就代表bb越來越快誕生嫁啦~所以我為左郁郁b, 我係唔會驚既~~~~
聽完講座就做檢查哪, 第一環就係我最擔心既磅重..63.7kg, 哈~~上次62.9 kg, 今次都係重左0.8 kg咋~姑娘都讚我體重正常返呀~~
我就話~梗係啦~我冇食過我最鐘意食既雪糕同楊枝金露呀~~我忍得好辛苦先有呢個成果嫁~~~
姑娘就話"甘都好d, 如果你今次仲係嚴重超重既話, 就要捉你入去見醫生嫁啦~~"
跟住姑娘又問我隻腳有冇水腫. 甘我就比隻腳佢睇下, 姑娘話我都冇物水腫呀, 幾好呀.
但我就話 "但我覺得隻介指同手錶呢, 越來越緊甘..係咪隻手水腫呀..?"
姑娘就話"應該水腫唔會去到隻手既, 你呢d係因為你肥左咋!"
跟住我就無話可說哪...
| 
