昨晚為左執哂d手尾. 攪到9:30先離開公司呀~~係我入行以來, 都冇物幾何會甘夜走既..

走既時候, 又肚餓, 又累呀~~~不過, 都係值得既. 我都唔想係我走左之後, 阿ken & 阿kid會唔知我d野放係邊呀, 唔知個status呀甘. 相信我放完假返去既時候, 我而家跟緊既貨大部份都已經走哂lu, d煩野唔駛我理真係好開心呀~~~

阿ken & 阿kid~我會係家裡面同郁郁b一起祝福你地嫁~~加油呀~~~

最驚既就係, 昨晚走既時候, 同老闆sherry say goodbye, 佢竟然走埋黎話要攬下先, 嚇到我毛管都棟埋呀~~假到爆~~~

事關佢兩個小時前, 跟阿ken開會既時候, 佢仲問阿ken "唔知yo yo放產假個度可唔可以再延遲多兩個星期呢.."

阿ken即刻就話" 下, 佢已經係前二後八嫁咋.." 跟住阿姐先冇聲出...唉....佢真係假到我唔知點應付呀, 我唯有傻笑啦...

今早唔知點解, 阿文起身, 我就跟住起左身, 仲好精神甘tim, 送左阿文出門口返工, 我就好悠閒甘倒左杯鮮橙汁, 再塗左份藍莓醬三文治做早餐, 跟住就上黎寫日記. 好好享受我產假既第一天啦~~

我有好多野想做呀, 好似話去禮品中心換信用卡既迎新禮物啦~去租碟睇啦~去租漫畫睇下~去買bb野啦~~~

但我要克制自己, 每天做一樣, 唔係既話, 好快我就冇野做嫁啦~~哈~~~~