之後我去行去買左個音樂轉轉樂(用黎掛係郁郁既床邊, 氹佢唔好喊嫁)

我係特別揀馬仔嫁~因為郁郁B爸爸係屬馬既, 當郁郁B喊既時候, 就等郁郁B爸爸既化身--馬仔, 為佢轉個不停, 氹返郁郁B~~~哈~~甘郁郁B就會好快就收聲, 仲會笑到架架聲TIM~~

攪掂哂以上各項, 都只係12:20分左右, 約左KAR 1:00係佐敦食LUNCH, 所以我就由旺角, 慢慢, 慢慢的行去佐敦哪.

我地去左一間叫意大利餐廳既地方食午餐, 我行到鬼死甘熱, 諗住一入到去坐低就可以飲冰水, 點知D侍應勁好, 見我係大肚婆, 就自動安排左杯暖水(其實係滾水)比我.....真係多謝佢地既細心...

同KAR食完LUNCH, 我又慢慢行返去西貢街度搭小巴返屋企哪, 因為媽咪話3點-4點會拎湯比我, 但最後佢係成5點先黎到.

媽咪煲左叫 "綠豆煲百鴿"既湯比我...我見到好多紅祖呀甘, 好鬼重藥材味甘..我只係飲左D湯, 冇食到D渣, 我本身都唔係甘鐘意食綠豆既..

媽咪話今天會再拎D湯比我, 應該會係西洋菜煲豬骨..

另外, 我已經問實AGENT個邊, 佢話我地個印印已經確定會係本月28號到港, 甘我地就約29號接佢~~即係下個星期一咋~~好快呀~~~~~~

我同阿文既二人世界就要終結啦~~~好快我地屋企就會由原本只有兩個人變成四個人既家庭啦~~~好勁呀~~~~~