|
再次感謝各位既關心呢! 我回家幾天之後, 已經開始慢慢的復元哪. 這都是全靠郁郁B爸爸既全力幫忙哪~
我覺得這幾天其實最辛苦的就是郁郁B爸爸呢. 因為佢係負責當夜更, 要負責喂郁郁B零晨3點個餐先可以訓.
而我就主要負責日更哪. 不過, 郁郁B爸爸放假都只係放埋今個星期, 下個星期郁郁B爸爸要返工. 得返我一個都唔知可唔可以應付到哪.....
原來照顧一個BB真係要好多好多既精力嫁....我而家先明白到, 真係好鬼死辛苦呢...再加上郁郁B好似食極都唔飽甘既....
今日去了健康院, 醫生話郁郁B的臉色有少許黃呢. 所以明天會再去一趟健康院, 如果真係有嚴重左既話, 就可能要去醫院照燈嫁啦..
令我地有D擔心呀..希望明天會有所好轉哪...我都唔想郁郁B要去照燈...
但另一方面, 郁郁B出院既時候體重稍為回縮到7.4磅度(出世時係有7.5磅), 到今日磅重有7.9磅, 醫生話郁郁B有少許超重呀...
唉...郁郁B好似無論係我肚裡面定出左世..都係背負住"超重"呢兩個字....
| 
