|
成6年前, 我係恆生做左份儲蓄人壽既保險.
當初只希望係儲蓄, 佢地明明話儲夠5年就可以全數拎返出黎既. 但今年年頭我去問, 佢又話起碼要儲夠10年先可以拎返個本金....
如果我而家拎返既話. 我要蝕成萬元呀....
唉....我既保險agent幫我睇過份保單. 佢話幫我轉去佢而家呢度, 就只須供多七年就以後都唔駛供. 保障到我100歲, 七年後亦可以拎返d本金出黎唔駛蝕.
我都唔知點做, 阿文就叫我長痛不如短痛. 叫我而家就好cut左呢份儲蓄. 但蝕成萬元wor...好鬼肉痛咋.....呢個短痛真係好鬼死痛呀~!
究竟我應該點做呢....唉.....好煩呀....
但如果我cut左呢份儲蓄, 我地就會多2萬幾元現金, 對我地而家黎講, 又好似會有安全感d.....
真係好激氣呀~我以後都唔會再同恆生買呢d搵笨既儲蓄保險嫁啦~~~~
| 
