我在穿上泳衣之前就先把防曬搽滿肩, 手, 腳，因為我真的不想曬到有兩折色...

幸好今天真的是天公造美~今天連一滴雨都沒有落過！

同樣, 今天也沒有很強烈的陽光~

我們8:45已到達西頁了, 竟然是我們最早到達的~跟住就匯合傑傑及他的現任但很快可能會不再是的女友一起。

等下呢個, 等下個位, 又要買野, 等船....到真的上到船已經是10:30的事了....

在航程的途中, 當然是以十三張黎幫我地解悶啦！

終於我地到達左一個叫大蛇灣既地方，那邊的水流比較靜。

男仔就先後跳到海裡試下水溫, 但真的很涷呢~~水溫得22-23度咋。

大牛落完水之後上返黎就一路陣, 一路講哂粗口話d水好涷, 仲臉都青埋tim!~~勁好笑~~

阿文見到其他人的反應係甘, 佢都唔敢落水。

之後船定又載我地去左一個勁細既沙灘度, 佢地就玩數字球, 我就負責看守d野。

見到阿文玩到成個小朋友甘, 個樣好搞笑。

傑傑及其現任女友就繼續做獨家村, 兩個人走左落水..但我見到傑傑大多數時間都唔係望住佢個女友, 而係望住岸上邊正在玩數字球的情況, 所以我估, 其實傑傑係好想同佢地一齊一大班人玩, 而唔係想做獨家村的。

中途在阿文出了去玩WAKEBROAD的期間, 我在船倉找了個有利位置眠了一眠. 訓醒勁精神~~~

阿文話佢試了6-7次, 只有其中一次上到水, 但卻只維持左2秒時間....佢話真係比想像中困難得多....佢仲話, 如果有機會佢會再玩~但恐怕要到下年了~~

因為天氣已經開始轉涼了~昨晚都唔駛開冷氣訓覺~~~~

天氣好涼快啊~~~~

我明天就補返D相比大家睇下啦~~

上次公司裡面的5個男生(葉, KEN, CHARLES, 太子, KENNTH)一起去大陸廠睇貨，但要睇到第二天先會返。晚上當然少不了去當地KARAOKE玩啦!

佢地竟然唔知醜到叫左間掛牌廠老闆出黎幫佢地埋單都不特止！

仲夠膽死問佢地去睇貨個間廠借了1000元人仔 最後呢一千元用左係邊?

原來當晚佢地5個男人, 叫左4個女仔陪唱, 最後就係呢一千裡面, 每個女仔比左200元小費！即係借人地既1000元裡面, 用左800元比KARAOKE女郎的小費！

係咪只是陪唱, 我就唔敢講, 但每個女郎都得到200元既小費, 我覺得佢地唔會徙LOR~

其實呢D野都唔關我事, 佢地鐘意點玩,都與我無關。

但佢地竟然賤格到冇諗過還返個1000元人仔比個間廠！！

甘同做賊甘去搶有物分別？

上一上去睇貨就略人1000元去玩!!!!

仲要冇諗過還比人!!!!!

用賤格係形容都唔夠~佢地真係人渣！！

虧佢地仲有面再上去睇貨！佢地唔要面唔緊要！

唔好累到我地日後上到去會受人白眼LOR！

話金碼D人上親去都會略水去玩女!!!!!

佢地真係好過份！！

公司裡的男人冇一個係值得我尊重！！

因為佢地個個都係人渣！！

(特別是阿文, 他極之想去, 唔駛唔認, 因為係佢額頭已經刻左"我好想去"四個大字)

今個星期日, 相信是本年度最後一次的船河~~所以我地就決定參加哪~~而且更命名為 "告別青春"船河活動~

因為, 出年夏天, 照原定計劃, 我肚裡面就會已經有一個可愛小寶寶~~

我將會成為媽媽~

阿文會成為爸爸~

再下次去船河, 我們就會帶住我們的寶寶一起去的了！

所以, 今次的船河, 雖然我要冒著被曬到有泳衣印, 加深雀班, 暈船浪既危險！但我都決定一去~告別我的青春~~~~~青春啊~~~~~~~~~~~~~~~~~

希望星期日唔好甘曬啦.....

昨晚我地真係上左去EVA屋企睇BB~~

好得意啊~~~~好似一舊飯團甘啊~~~~

我本來唔敢抱的, 因為我怕我唔識抱會整傷BB~~

但後尾阿華話教我抱, 我先夠膽抱住佢影相, 阿文剛才上到去時已經抱過了~~~

BB好軟, 好香, 好可愛啊~~~~~眼仔碌碌~~~我一抱上手, 就唔舒得放手呀~~好想帶返屋企呀~~~

阿華抱住BB餵奶, 仲未好熟手甘, 有點狼狽甘~好好笑~~~

哈~~好期待星期六會再上去~~食薑醋~~探BB~

EVA已經出左院返屋企休息, 好想可以快D見到EVA同個BB女呀~~

阿文話雖然隔住電話, 但都感受到阿WAH初為人父的興奮心情~~~

究竟我地幾時先可以去拜訪呀~~希望今晚約到啦~~~

BB呀~~~我好快就黎睇你嫁啦~~~~~等我呀~~~~~