我打呢篇blog既呢一刻

其實我坐左喺音樂資料館（簡稱『柯拉』= audio library）

做緊一份concert review

開左個頭而實在唔知點寫落去......

望住本programme book同埋一張當晚手抄既note

隱約仲對星期一晚既CC Orch concert有 d印象

但係我有咩可以評論呢？

係人都知除左講concert既細節，仲要加入課堂教過既內容先會好grade

但係大佬啊...上堂教既野又真係無咩關係喎.......

所以搞到宜家卡住左

呢兩日開始預備緊第二次reg科

好精打細算咁計住自己d credit 點用到最盡，充實得黎又唔會太chur

我打算將所有堂都放哂喺上晝，咁我之後d放學時間就更方便教學生啦

暫時計劃上一切順利，五日既堂都會喺14:15或之前完哂

希望到時CUSIS生生性性

唔該唔該

 宜家全香港既人都談論緊政改

再而必然會引申到公民抗命既話題

不過作為一個小市民既我

就唔過份分析政改既內容啦~

就集中講下公民抗命啦

系e幾個月

香港人眼中既公民抗命就同佔中畫上左一個等號

發起佔中既人就係希望透過大量市民集體犯法

從而癱瘓香港金融中心既運作

逼使中央政府同意香港有真普選

不過佔中亦引起好多反對聲音

犯法，可能會坐監或留案底

令到部分香港人因為後果太嚴重而卻步

其實有無諗過佔中既效果其實唔大？

就當有幾萬人去佔中 （其實都未必咁多）

佔中一開始，相警方就會清場架啦

逐個逐個抬走

最多咪搞幾日

跟住就社會上一切回復正常lu

既然都係公民抗命，點解唔玩大佢呢

搵d方法真係威脅到政府既

今日我個fd提議到一個方法

真係無得頂

話說之前可能有人提出過罷交稅

不過無疾而終左

其實罷交稅的確係一個好方法

而同時，各大專院校又可以配合

發起大學生罷還grant loan

香港政府咁睇錢份上，開支又咁大

如果全港納稅人都唔交稅，或者只係拖延交稅

政府都應該會失哂預算

咁做相信威脅政府既效果可能會更勝佔中

 經過兩次o camp

連續兩個星期既疲勞轟炸

終於返黎分享下心得

中大獨有既書院制

造成左兩次o camp

先細後大

首先係細o

全個camp既人都係音樂系既同學

感覺好親切，同聲同氣^^

雖然camp既內容非常chur

CU hunt、city hunt、無數既game

不斷跑黎跑去

真係咪話唔辛苦~

不過音樂系天生少人

全部freshman得32人(左右)

好快就有印象咩名打咩名

而同組既更加熟哂

好好朋友

而組爸組媽係最功不可沒

照顧我地好周到

幾攰都一齊玩房game、每日都貼身解決我地既疑難

仲要請食糖水、請飲茶etc. 成千蚊~

真係有d唔好意思

(之後組聚唔洗組爸組媽夾錢)

所以一班志同道合既人走埋一齊

令到四日細o好窩心，好難忘

之後就到左今個星期一至四既大o

同樣係四日三夜

不過今次係有令我想快d完既強烈感覺...

大o既原意係要freshman體驗書院生活

衷心計劃四年既大學生活

投入群體，唔好淨係摺喺department

不過講真

經過大o，我更加想淨係摺喺department~

每間中大既大書院都有好多傳統

而o camp就正正要freshman重覆果d所謂傳統

首先講dem beat

全部人一齊打拍子、背口號、做動作

的確係一件好齊心，團結既事

但係都唔洗成日dem掛~

大大小小既beat不斷喺個camp既任何時間出現

只要多過十個人出現喺同一個地方

就好大機會要dem beat......

食飯前、食飯後...連玩大型競技遊戲前，等緊既兩分鐘都要dem

都算啦

喺食飯既過程中

d大組長同d所謂「transit哥哥姐姐」行黎行去

行到你果組就要諗句口號去請佢地食野

哂時間~

我已經唔明佢地點解唔可以正正經經坐低食飯

仲要黎r野食，哂我地食飯時間

有兩次食飯時間得返十分鐘

佢地都仲堅持要實踐呢個傳統

我唔認為一定要咁做先體現到團結精神 sorry~

而且大o裡面既組爸媽非常之hea

有個好催淚既「主節」環節

有某d組爸媽竟然"hup"眼訓

最耐人尋味係第三晚camp fire之後

大家一齊食宵

而d組爸媽見返上年佢地既o mate同大組長

就好似顛左咁一齊攬住跳舞、又喊又盛~

我地就好似傻仔咁得個食字

所以全個o camp都好難投入

同o mate又來自唔同department

無咩共同話題

由頭到尾大o都係不堪回首既回憶~

 今日返中大聽左個基督徒搞既reg科講座

唔計最尾分組O&A既傳道環節

的確有D重要資訊既

起碼比我知道reg科係咩一回事

過去幾日開始面對我成為今年中大freshman既事實

聽左一堆talk

拎左一堆迎新既刊物返去

雖然未認真睇哂

不過見到中大既出版

話無一份自豪感就呃你既~

過去仲係中學生果陣好熱衷於成為大學生

由於一早已經決定讀音樂

所以一直希望自己捱完十五年，終於可以讀自己真正鐘意既科目

不過當聽到D師兄師姐分享

透露佢地系大學要兼顧好多功課，唔同課堂要求等等

我系度諗：我現實既大學生活會唔會同我想像中有D出入？

時間分配好混亂？太過忙？太摺識唔到朋友？

可能你覺得我多疑

我都希望我係

幾日後就要註冊啦

之後仲有o camp、reg科、拎證、開學、申請資助......接踵而來

我好期待同興奮

希望同大家一齊享受四年既大學生活啦

今日去左凱聲琴行

原本只係抱住碰下運氣既心態去

點知一去就見到三支岩心水既笛子 (絕對係可遇不可求)

即刻拎哂三支出黎試

試左成粒鐘

終於揀到一支最岩音，而且竹既軟硬好岩我

加上呢個師傅造既笛子我都未試過

好有新鮮感

最後仲買多左一本嗩吶教程

打算買支平價嗩吶自學

可惜由太子去到油麻地

由凱聲去到粵華行 (中樂人一定非常熟悉以上兩個地方)

最平既嗩吶都要過$600

所以令打算$500有找既我失望而回~

今次討論下樂器

唔知其他人覺唔覺

每一件樂器都有自己既性格

可以視樂器為一個朋友、同伴或者拍檔

(我有聽過人當樂器係寵物...)

anyway

主要係講求演奏者同樂器之間既默契

呢種默契建立在每一件樂器同演奏者之間

未必同每一件樂器都好順利建立到關係

有時可能要用上一段長時間，甚至日子先摸索清楚個別樂器既習性

有人會覺得多餘

唔同意我所講既默契係咩一回事

正如人與人之間

你了解對方既心態、性格、底線

就更加容易同佢相處，關係更加融洽

樂器一樣

透過長時間既練習

演奏者會開始感覺到果件樂器既內在構造

慢慢了解用幾多氣音色最穩定、拉弓長度有幾影響音箱既共鳴、按琴鍵既力度點配合擊弦機既反應，以及每件樂器既極限等等

我認為對樂器有充分既了解

先可以演奏出更美妙既音樂

我今日買到新樂器

希望我同呢位新朋友可以盡快建立到密切而良好既關係啦