看的一樣,玩的一樣,做的一樣,食的一樣,飲的一樣

病的一樣.

但治療的不一樣.他就正常地去就醫.我做一慣我"他條"命的作風.

去便利店買了幾款有藥效的糖----------食糖醫病.

醫唔到病都有糖食下.

有冇試過某個人開心時.你自己都會好開心.

但.有時,同一個人開心時.你卻是不開心的.

今日的我十分rainshine.

unnatural body.

假如.....

假如每人都只能拍3次拖.

世上將會有甚麼轉變呢?

11日假期耗盡.精神也耗盡.

久病還未好.今日見到班長d咳藥.

真係想羅黎食下.以前個body除左"思憶"外

其他病都過唔到夜的.今次呢個小病就纏左我幾日.

搞乜鬼!!!!!!!!

鐘意貓的人,不等於鐘意有貓性格的人.

貓係貓.人係人.貓唔係人!

鐘意貓.係因為貓係貓.......

但極討厭貓性格的人..........忽冷忽熱.

如果硬要我選擇一種動物的性格的人.

我會選成年的燕子.

今日本應訓至2點才醒.

點知神早就比morning call整醒左.(約打麻雀)

由下午2點一路打一路打.打到第2日11點.

差點兒打了一個"對"(24小時)

由贏幾百元,跟住輸返幾百,最後力追.輸了十多元.

但就用了20多小時.真係一年打一次麻雀就夠曬了.

再多都會寶褔山(死人地方)見.

上次澳門返黎d喉嚨痛都未好.今次打完之後仲惡化.

食乜都冇用.通頂的威力真恐怖.

有陣時,有d說話/句子.有些人.想了很久都猜不出來.

但有些人,一看,就明白個中真締.

那是因為可能他們都經歷了相同的事情/曾經也這樣的想過.

這就是"夾"的問題.

有d人,相處了很久.都好像不了解身邊的人.總覺得對方成日轉變(其實人的性格不會變的有多大的)

但有些人,見了一倆次面.就很合得來.像識了很久的朋友般.

今天說得比較簡易,畫到d蛇都出曬腸(畫蛇添足x畫公仔畫出腸)

not my style,this's last time

今日真係完全好像夢境之中渡過.

完全意想不到.玩得很開心

今日我同班長去左澳門,約左kimbe同mimi(澳門人).

其實係早一晚先約.同埋網上識.

所以其實都有少少驚臨時被人放飛機.(真係驚ga)

係船上時.差不多到了碼頭,打比她們.

弊~沒此號碼.心諗(中計la)

點知落左船再打.通wo.有人wo.而且仲應約添~~(神奇,順利)

跟住同班長去左何生的新居

新葡京.外面真係好靚.

但裡面就比金沙細左d

行左一round~~not special.

但好比污煙障氣的葡京好好多.

等到差不多.去和kimbe,mimi會合.

比我估中kimbe dress colour

個色幾襯佢.

跟住佢地就左我地導遊.帶我地遊澳門.

帶左去間食台灣野的店.

(香港人同澳門人係澳門食台灣野)

都算係東南亞大集會lu.

我見到個餐牌上有個"厚切午餐肉"(好明顯係受到"厚切"二字影響)

叫左黎食.點知出黎的賣相...................真的really似名牌狗糧---寶路

仲要用兜上.kimbe真係好得.香港個個女仔都話呢樣唔食果個又唔食得

乜都要少.2粒米落肚就話飽.好唔健康.我鐘意見到d食得o既女仔.

佢又食極唔肥果下得意.keep on kimbe~

跟住帶左我地去魚人碼頭.其實係歡樂天地+海注公園的兒童王國+花市.

去到都係睇o既多.買o既少.kimbe就買左個吹氣鎚.(惡夢由此而黎)

我們成為鎚下亡魂.

"因緣際遇"之下玩左過山車(買錯飛)

跟住一路行一路玩一路影相.

連我呢d完全唔影相,連背面相都唔存於世的人

都好主動去影.大家的真性情都出曬黎.

而佢地好"打得"o既真性情都浮現出黎.

不過真係玩得好癲好開心.冇就住就住咁.

mimi d笑容真係好sun shine.

同班長一樣~~funny girl 同funny man

玩完後帶左我地去"信達"(唔係佢地帶,跟本唔識去)

做左一件我第一次做的事~~貼紙相(估唔到第一次係咁樣情況下,仲要係澳門)

由於first.有點手足無措.幸好出來效果只係有點呆,不是凱.

原來澳門佢地save d貼紙相同我地好唔同

佢地會找張card紙.係上面貼上貼紙相.跟住去過膠.

變左貼字card.我覺得咁樣又幾好wo.保存得較耐.

係香港真係唔見人咁做.不過我諗都唔會影多次了.

跟住臨時臨急.提意去mimi家拜年.(第一次見面就去人家拜年.奇妙)

跟住就咁去士多買左份禮.去mimi家.

她的家~整齊,簡潔.世伯同伯母都無比我地即興拜年嚇呆.

很nice~~

跟住去左米老鼠店.

當時kimbe坐在最左的位.mimi坐在最右.中間隔了兩個位.

我果時真係諗.kimbe呢個"短訴女皇"驚左mimi的"鎚仔皇后"的鎚工.先這樣坐.

後來我諗清楚先明白.跟住再細想之前的.原來都有原因.

sor~~之前我不知道.

最後去左唱k(估唔到節目會有咁豐富.)

不是她們帶的話.跟本不會這樣豐富.

這裡的k和香港的greenbox,neway好唔同.

像較早前未有連鎖k鋪的mini細k店一般.

而且習慣也有差別.這裡喜歡有伴唱的.

hk鐘意純音樂.mimi同kimbe同唱得好pro.

連d隱形字同"wo~wo"同唱埋.

班長pro就更加唔洗講.

唔知係咪班人太合得黎關係.

繼破例了唔影相.唔影貼紙相之後.

再破多2條慣例.

唔唱k同唔飲酒.

唱了多首,還要獨唱添.(其實我唔鐘意聽返自己把聲.所以一路都唔鐘意唱k)

但係我會"唱"的.

飲了點綠茶+芝華士.勁易入口

飲下飲下唔覺唔覺.我記得對上一次都係幾年前.

那次當場變了鯨魚.嚇爆全場.

今次無咩事.係去廁所密左d.

kimbe真係義氣仔女.陪左成日玩.仲要玩得.

玩完後,送埋她回家.跟住就回航了.

黎之前.無諗過會玩成咁.

黎之後.都唔相信可以玩得咁開心.

thx~u're

令我空虛的新年添了一段回憶.

mimi,去台灣讀書要努力點.

kimbe,我記得有人說過.如果個天給漏了一樣東西給你.

但祂會係第二樣野到多給一點比你.

祂賜予你一顆純潔的心.係而家咁o既環境.

仲有人咁樣好難得的.~~

過左這樣的一天.真係好!

每逢節日倍傷心

每逢今日,可以的話

真係想同外界斷絕連線一日.

可能你會話誇張.

但係你在童年時.有冇試過想要一樣玩具.

你好鐘意,但一直不能擁有.試選另一件.也不能擁有.

一直到你大個,身邊同年的朋友都而經擁有.有的甚至好幾個.

而你......好像被魔咒圍繞住一樣.一直缺乏心愛的東西陪伴時.

相信快樂的心情都不大常出現.有時真係為左不掃大家興,

先頂龍開心一下.

我覺得

兒時沒玩具

大時沒伴侶

老時沒仔女

勁慘

今日一償心願.行左花市.仲買左花?!草!!(遲下先post相)

我想行好耐的,雖不是維園.但都係花市都好~~

越是得不到的,越是可貴.

窮一生去追求很不到的東西.

像就進密室一樣.永墮黑暗之中.

過著沒有光輝的日子

越是計劃未來的人.

希望將來過得順暢些.

減少日後的煩惱.

但.其實並不會因為這樣而減至無.

他們仍會像不計劃的人碰上一大堆煩惱.

只是不計劃的人,煩惱在將來.

未雨繆謀的人,煩惱拉近至眼前.

但.煩惱不會因解決後而不再來.

它們會解決後再來,解決後再來的.

再過幾天.是華倫天先生離世的日子.

他的死.做就了天下有情人.

使情人有一個節日.

如果我的死.亦都能做就一個節日來.

我希望是一個~~~~~....

今日坐巴士途中

比我回想起一樣兒時玩意.

相信大家以前細過係巴士上都玩過好多遊戲.

例如(各自講出一個數字後.跟住數住越過我地乘答中的車子數目.

講出要6的那人.當經過架巴士第6架的車.就(當作)係你了

抽中跑車o既緊係威la.但我以前抽黎抽去都係巴士............

仲好記得一次係垃圾車添(咁都有)

另外一個就完全虛構的.

又係望出窗外.腦內幻想一個人出黎.

咁你架巴士行緊果時.出面d景會郁(呢句有d多餘.唔緊要la,新年.年年有餘)

就幻想果個人係d欄杆上面疾走.無欄杆時就跳上一架架私家車頂.

一路向前.總之盡量雙腳不落地的.好似玩緊2d橫向game咁

所以我細過坐車時好"定"ga.因為好玩ar ma~

我今日坐巴士時.腦內又浮現返呢個超人出黎.

先勾起我d童趣憶

自下學期起.

由以前返的一三五

變左而家的一二三.

咁返法~真係頭髮都少幾條.

星期日訓幾多都補唔返....

今週已經係一二三晚的第二週.

顯然有點力不從心.

d數都有點不明之處.

我諗自hocc自稱"窮歌女"之後

我都要叫自己做"苦學子"了

(之前度過一個叫"苦學士".但太似"副學士".免得招人爛get話柄.都係不被錄用)

不過黑暗過後.必定會係晴天

因為在"地獄一二三"之後o既有

"天堂四五六"的出現~

第一次這麼接近

係深夜一時多.特然聽到巨聲.

走出窗向外賣(因為總是仍住是跳樓聲,以前試過)

但係驟眼向出望.沒甚麼.

返回廳.過一分鐘唔夠.聽到街外有個男子大叫.

好似是呼喚人的.我看出望.見到一個男人帶著2個警察.

聽到.................一些說話

我再向下望,望得稍為近自己的大厦附近.

~~~~~~~~~~

~~~~~~~~~~~

這是我第一次.還未有警察救護記者之前.

很驚慌又少少悲哀.那一刻.正常的話.

我最想搵個人黎傾一下果刻感受.

正常的話,應該是女朋友.

但可悲的是.我尚未有幸得到.還是沒得舒緩.

大家都是左鄰右舍.都唔想再有咁o既事.

好悲........令我想起一件住事.

我的朋友、好朋友、好好朋友、良朋、知己、

請你們遇到甚應挫折、情海翻波、經濟拮据都好

千祈唔好輕生.因為除左問題還未解決之外.

你們的朋友親人鄰里,都會很傷心的.

有咩唔開心就搵我講啦.真ga.

希望人人就算在"黑"的時候,都堅持"擇明"

不要輕生.

(其實今日係本blog一週年.本來唔係寫呢d的)