早幾日經過了別人的日誌.

聽了一個故事

"愛與擁有"

主角用了500年交換.等見心上人一面

再用500年交換l.觸摸了心上一遍.

及後神仙問他還想不想用一千年交換.和心上人做夫妻

主角拒絕了.主角明白了愛不一定擁有.....只希望別人好就夠了.

及後神仙笑了.因為祂告訴了他有一位朋友可以小第一千年了.

因為剛好有人用一千年來等你呢~~~

故事雖然係少許唔合羅輯

但,感覺好深~~~等人的同時.別人在等你

被人拒絕的同時亦間接拒絕人.

愛呢家野始終係無一個標準的

即"無常"

一星期內多了一對鞋,2件同款唔同色的衫,一隻cd

全部係冷門的.少眾英雄itam

izzue x hocc的慈善tee估唔到第一日就賣曬.

心有不甘的.但亦開心她的作品這應受歡迎.

有時諗過.如果她不是這麼紅~........

我有很多個第2.但1個第1都冇.

有些已標明第2已是界限了

別人已經有好多過好多次第1了.

有時會問下自己.為乜呢?

想給常捱苦的母親享樂 40%

很亂的思緒.

本來想將其中一兩個點子寫成一篇的.

而家變曬散件.

無feel又格硬寫就係咁的.

有野想寫時個電腦又唔生性.

幾日上唔到日記網又好多野想寫

今日上到又寫得唔知似乜~~

嗄~~那由他~

之前講果個"安全問答比賽".今日公司進行選拔賽了.

讀左幾日.信心都唔係好多.用左好多奇怪方法記d答案(圖畫、諧音、聯想...)

今朝.工都唔洗開.師傳比我溫埋個上午.佢自己搞~

進行最後強記行動.

2點半先開始.12點半就到達考場.

同另一個主力同事係咁溫溫溫~~~~~

好快就到左2點半了.

去到先知原來今日係進行3選2的比賽.3個站每站各派一隊出賽.

贏了的兩隊就可代表公司出賽.

(其實我覺得最重要的反而係要贏到呢埸賽,輸了的話.那個站好無面的.比人唱足幾日都似)

幸好~今次我的隊友十分之強.有"狀元記性王"+"2屆問答老手攻略大帝".

一個好記性.一個有經驗有察略知點贏.

今次係比賽MC題.每題問題只得3個答案選.

可以在未問完之前就按鐘搶答.但要講出答案是A,B or C仲要內容

我地個察略就係"攻略王"坐係中間.我同記性王在一聽問答後即講答案比佢襟.

跟住用左個推理的方法(其實我地已知答案在手.欠的只是那答案是A,B,C)

他有一個方法可以比常人按得快的

所以答案放在A位置時.鬥即襟都係我地贏.

如果唔放在A的話.

就要好關鍵地在問題講出"B~係XX"之時按下.

因為聽了B的答案.我們又預早知答案內容.

是的話就答B不是的話就當然係C了.

在頭幾題.其他組還未知這招數時.已比我們答中了幾題.

我同記性王都看熟左d note.

我同他加埋都有成8成半清楚記得曬.

再加上一個按鐘秘技

(原來我地今次比賽用的鐘,係按下個製==>彈起個掣==>著燈的.

所以我們一聽到熟的問題時就一早按下不放,等推理答案放在A,B,定C之後就即刻放手.

讓掣彈起.咁我地盞燈就會著了.比平時知道後.按下再要等彈起再著燈會快)

所以住住都比對手早搶先答到.加上用推理計策.

所以初賽就大比數拋離贏出.感覺係開心的~.

跟住我們勝出的2隊.和舊公司的2隊進行模擬練習.

玩左十鋪~~贏左八鋪(哈~~他們還未知那偷步的按鐘方法)

雖然之前被屈而玩係有點不快.但係而家就真係幾愛上這玩意.

很想做得很好.1月28.就正式和出面的隊伍比賽了~~

今日的我是開心的~~是白色的

今個十月真係好繁忙.

朋友馬拉松式的生日.

師傳的恐佈回歸.

夜校的快閃教學方式.

喜馬拉亞山般的功課.

血祭的測驗.

光明頂之約會.

鞋冥家BBQ

今日又多左樣新mission.

"電梯安全問答比賽"公司安排左我去參加.

今日比左d題目我.約500題MC.

下星期一就要去初選了.

開頭真係唔多願意的.但係個"Y sa"又盛意權權咁.

又唔好意思推.最後都接受左.

受得人的期望.我就要做交出成績比人.(呢個係我地杜家的家規)

所以我決定!!!!!平地一聲雷!

嚇過那些睇低我的人半死.就係咁!

今日生日的朋友~

天使有記掛你的.他伸出手等候著你呢~

你要申手去迎接.還要首先放開你手中握著的東面.

你看清楚吧~手中握的是甚麼~你知道吧~

不要浪費青春了~

其實你都能擁有天使待人般的愛的.

世上最錯的東西是比較.

沒有比較.沒有"錯"

一切事物都只得同一答案時.

那就沒有錯了.就算是"錯"都變成"對"了.

很歪理呢~

看過那段"新朗酒宴後唱K豪飲猝死"的新聞後.

很震撼到我.第一樣野諗到o既就係新娘子o既心情............

結婚係女人最開心的一刻.但接下來的.竟是最傷痛的一幕.

是我的話.可能都要用好幾日來慢慢平伏........

嗄~~老土d講句.酒始終係穿腸之物.不易多償.又易亂性.

所以無咩超大時大節.

我都不喝的.我份人係幾老土的.

有人說.世上最好的良藥是戀愛.

而最劇毒的病痛是戀錯愛.

所以有時望望戀情中人的面孔.都知是中了毒還是得了良藥了.

記得早排係雜誌見過一篇文章.

係wyman寫的.是他對自己的頭髮的看法.

我好記得佢其中一句,

"不要看我光頭就以為我唔打理.我比任何一個都注重髮型.

只可惜到自己懂得的時候.經已脫落了不少頭髮"

深深的體會到.....

他談及這個死穴,我相信要不少勇氣的.我很佩服他.

所以.今日我都要談一下自己的.

其實自中三起.上天給了我過份的青春.

接二連三地記錄在我臉上.釀成一度度永不磨滅的痕跡.

日覆日.痕跡亦大量增加.開始覆蓋著原本光鮮的面孔.

亦覆蓋埋我的自信心.亦開始成了我的名號.

你試過返學時~行過d唔識o既同學身邊.佢會"嘩"一聲.

又或者讓路呢?我試過了.又試過因為你坐在基人身邊.

而某人的朋友笑他"有正野"ar?我試過.

其實.我比你們每一個人都注重外表.如果那一排.

那一邊的面比較"試正"的話.就show果邊比人睇.

"惡化"的一邊.就坐巴士就向窗口.同朋友時就走位不及他看.

所以長時間keep住長頭髮遮住大半塊面.但這樣又會更易青春.

又好似wyman那句.到我懂得打扮時.已經無能為力了.

你有甚樣的好創意.知道點樣好看.點樣型.但係都冇用的.

一切也徒然

你有試過照鏡時.會嘩一聲ma?

所以我討厭看鏡的.有時d商場好多地方都是用鏡做的.

行過時不經意看了一眼.心情都會下落的.

相片也一樣.所以我的相機內極少我的相片的.

風景和物件較多.其實咁樣唔係扮型的.

係每當看見相中的自己時.都會有"帶回現實"的感覺.

頭先講咁多果d野.其實收埋好耐無同人講過的.

今日比wyman鼓勵下.講曬出黎.

鬆了一口氣

希望不會嚇怕你吧~~~

不過唔緊要~~我都習慣了.

我知我呢條路係比別人難行的.

要得到一些野時會比別人難得多.機會又少.

但我相信.我都會有的.

我深信!!!!!!

今日係一個重大日子.

是每年中不可或缺的約會.

她們的生日約會.今年還加上他.

雖然不是每年都大家一齊過.大家一齊搞.

但各人的心還是係到的.我知道.

近幾年.更變成一個main date.

各人甚樣忙都會驣空出席的.

唔知係咪同天秤特別有緣~

4個最要好的朋友.都是天秤的.真的很巧.

所以今年我大膽地.將2邊的朋友crossover埋一齊.

希望可以將2邊的~~變成一團.

不過其實我唔知佢地想唔想/鐘唔鐘意.開頭我都驚驚地的.

後尾而家試過2~3次.好似又幾咬弦wo.我個心都安樂d

無做左d傷天害理事.

講返轉頭.

今日同左3個天秤仔女去左唱K

大家唱下,笑下,玩下,食下又影下相.

時間好快就過~~(其實我仲想玩多陣的.........)

不過最開心的.我見到我珍惜的朋友們.他們的笑容都咁燦爛的.

願你們生日與否.都咁快樂

在我角度而言.

朋友的位置是高於金錢的.

金錢可以買到朋友.但買到真心的.卻小之有小.

雖然我冇咩財富可言.但在我生命中最寶貴的.就是你們了~~

尋晚發左個離奇o既夢.

我唔知點樣得罪左個獄長.

跟住個獄長好憎恨我.想捉我去坐電椅.

獄長派左好多手下去我家追殺我.

老豆同何英緊係唔會交我出黎la.

跟住老豆唔知係邊到羅左個面罩出黎.

話唔知咩電子高科技野.佢收埋左好耐的.

比我載上.載上後.我就變左個隱形人.

跟住老豆假裝開門"交人"

係手下進來時.我就乘機逃去.

跟住我去到一輛地下鐵站.

在最尾的一卡上.滿以為沒人會看得見我時.

竟然有個小朋友看得見我.那時手下又追到黎.

跟住個小朋友意然一下就打抵左個手下.

我就跟左呢個小朋友返去.

返到去.原來去左一個x-men的樂土.

而那小朋友竟然係"雷射眼".

夢就係到呢到完結左.

非常之奇怪的一個夢.

我同你都一樣.是不喜歡爭的.

願我可以學會放底你

近排受好多野影響.

心情多時呈低落狀態.

不過你地唔會發覺到的.

我的保密工夫一流的.

包括我的感情.

日記幾日想打都沒有打好.

真是好想在一個"時間真空"上去過旅行.

將那一秒無限放大.活在一秒之間.

計劃由原本去番禺的.改變成去現在的南Y島

由3日改成2日

由萬幾人最後只得5人.

不過唔緊要!!!無減我去玩樂的心情

走了的第9日.

每當我行過那擺放貓糧的位置.

變成一個空位時.我的心情就和那空位一樣.........

...............................................每次都一樣

一連接聽2個無耐的電話.打來的人無耐的.接聽的人同樣感到無耐.

我知你們盡過力的.我知道!

眼訓了~其麼也寫不出來.

近呢幾晚都2~3點訓.無他o既~咪為左追睇曬套"逃"lor

尋晚套曬廿隻lor~超鐘意這類智慧類形的劇集.可以學到野~

今晚又2點了~報告完畢...

2乘0.5究竟係等於咩呢?

係數學上.會是1

係實物上.一個蘋果被切開2邊.當你同時擁有時.

你覺得是有一個.還是2個0.5呢?

當2個"0.5"的人走埋一起.又可唔可以變成"一"呢?

2個多月前就已經買了飛.

終於到了今天的來臨.

繼上次看了"男人之虎"之後.

已十分期待"萬世歌王"的演出.

今天終於可以睇到"萬世歌王"了~~

一出場.就有一種似曾相識的感覺.

原來是~~原來是"亞皇"ar(Aaron}

一黎就唱對你愛不完.

仲跳了新舊2個版本的舞.而且舞步確實是一流.連我常看"亞皇"舞步的都覺得他跳得好

(新的那個是2005演唱會亞皇重新排過的.可能有些人不知道吧~"詹"不是亂跳的)

之後再跳了"唱這歌".半搞笑的舞步亦使我拍案叫絕.

再來扮了"震音張學友".穿Bape的"陳冠Bape"(笑到我碌地)

"拖地婆婆twins" "戒男狼女小女孩" "豪氣妹妹與ga la bor bee 姐姐"

"一人分析九角的九餅"...........數之不絕

最令我拍案叫絕莫過於他的一人分析幾角的高難度演出.

千變萬化縱橫交錯的角色、語調和形態.都做得淋漓盡置~

還有劇中的深度和給觀眾的反思亦使觀眾有所得著.

K歌的侵占我們樂勯.連現在幾歲的小妹妹都只懂得唱戒男同狼女.

教會歌曲亦被k歌做成傷害.考慮應否接受詩歌k歌化......

全場氣氛也沒有暖和下來.

我也高聲"叫喊"了幾次呢.

他今次玩了很多和觀眾的換動遊戲.

最利害的莫過於.即時"唱報紙"了(用衛蘭的歌即時唱出今日報紙內容.頂級難度,極級頂隱)

有位抵死的觀眾還給了他一份"南極圈"來唱報呢~

而我最深刻的.相信每位去看過萬世歌王都會讚成的吧.

就是用英文唱出中文歌.而且改詞還改得很好的~~

"千山我獨行 Thousand mountain I go alone"

湖海洗我胸襟 (Ocean wash my heart and chest)

河山飄我影踪 (Mountain shows my shadow)

雲彩揮去卻不去 (Colour clouds let go don’t go)

贏得一身清風 (Win a body clean wind)

塵沾不上心間 (The dust never touch my heart)

情牽不到此心中 (Emotion never to my soul)

來得安去也寫意 (Come and go feeling comfortable)

人生休說苦痛 (Never say life is painful)

聚散匆匆莫牽掛 (Easy come and easy go)

未記風波中英雄勇 (Don’t remember the problem hero made)

就讓浮名輕拋劍外 (Let the big names pass it away)

千山我獨行　不必相送 (Thousand mountain I go alone)

啊……獨行不必相送 (Ah…… Mountain I go alone)

今天的這個show~~絕對是超值的~~深感佩服~~詹瑞文~~

看完後同"飛&茄"同"橙小姐"吃飯.

去左間食印尼野的.

d野食都幾ok.不過.............

我首次破例.......吃了十多年也未掂過的蟹....

不是看你在你們的臉上.我絕對是不會食的.

我不是吃了會敏感才不吃.蟹 is not 賣飛佛.

 左面起:涼粉冰,什果冰x2.紅豆冰

小食拼盤(有我最愛的香葉雞ar~~~)咕嚕蝦球(超彈牙爽口的)

咖喱椰香雞(入口鬆軟)

香辣炒蟹.....................

今日學了幾個新句"dishapply" "無請白龍王食麥樂雞"