下午時.接了一個由家打來的電話.

是媽媽報平安了.醫生說她埋口理想.

所以她可回家了~~

聽到後成個人鬆曬.整日焦慮的心情都給那安心的一句停下來.

真的不想出現那些場面.

放工後立即趕回家.

一家人都係曬度.看了媽的手一下.

見她還輕鬆自如的樣子.幸好~~~

她說之後再覆治多一次就可以了.

我們都禁制她工作呢.

老豆就整飯,亞哥就執頭執尾.我就晾返積存多日的衣服.

但媽媽的性格還是有點"看不過眼".

還是在我們身邊"提點".

哈~~她還是一個"坐不停"的人呢

換轉是第二個人的話.相信已經是坐下"銀銀腳"咁追看劇集了.

何英(媽媽)就是一個這樣的人.

她雖然口中說那不痛.

其實我知道是痛的.

是她不認的吧~

工作途中收到大哥電話

說媽媽的手在大陸處理得不太好.

需要重新再打石膏和包扎.

重要為她拉一拉隻手.看骨的埋合更順利.

但雖然留院.如果觀察埋口不好的話.

可能要做手術.若果要做手術的話.那就可能要住院一個月了.

哥還說"本來媽不想讓我在返工返學時間知道的,不想影響我表現"

我聽到後當然為她擔心.

她就是一個這樣的人.不想給別人添上麻煩.但又熱心幫助弱小.

好多事情都想一人承擔.不想別人為她擔心.(我們一家的性格都是這樣的)

哥就是知她這性格.所以講了給我知.

本應想放工後就去醫院看她.但是今晚又要上學.

我知我走堂去看她.她絕不想我這樣做.

所以只好空等時間的到來.上堂的時間來.落堂的時間來.

最後放學後都沒有到醫院.那時已經是11點多了.

想給她休息.

明天我放工較早.一定要去看看的.(當然聽日收到好消息.她回了家不用去醫院就更好了)

什麼事都做不來.只能等和祈福~

家父家母雲游祖國兩日.

本人變相獲得兩日家中的領空權同陸地權.

但同樣失去"少爺仔"的待遇.

尋日夜晚果餐都係叫外賣返黎.

今日又要諗吃甚麼.

跟住收到電話.無耐又要落一轉街.

咁就把心一橫.原來行程上沒有的節目.

要加插上去了.做完正經事後.

就決定去左超市"怒掃"食物.

由於本人持續兩日位於飢餓狀態.

所以一見到些平常特然在腦中想食.但當時沒有出現的食物

統統買下.

最後~~~~

變成咁===>

百多元唔等洗的食物~~~怒火盡消~

今晚他們回家~

一返黎就見到何英(媽媽)包住了手.打了石膏.

細問之下~原來旅遊第一天的朝早時

在酒樓吃早餐.扶一個老婆婆去廁所時

酒樓地面太滑.唔少心跌了落地.

整到手骨輕徵骨裂~~(嗄~好心無好報)

仲比左係大陸影的X光片我睇

白圈示,不是最下面那個大圈.那是玉鐲來的.(她還說笑那鐲清翠無紋呢)

明天會在香港看多次醫生.老豆話大陸醫生信唔過wo~~希望無事~

現因本人異常地懶的關係

本來的日日記,變成而家週週記.

好~~等我係度講返我點樣無聊的過呢一週先~

去左非常出名o既舊式餐廳"金鳳".食佢地最出名的牛排.

呢個係T骨來的.上面鋪上的是一粒粒生蒜.

上台時已經聞到濃郁的香味.

令畫量減吃牛的我都忍不住要吃了一整塊.

上碟時.那塊牛排大過隻碟都有o既~~

d生蒜好辣.但係配落牛排到真係第一次食.好特別.(maybe我見識少)

今餐變成我今週之最~~豪lunch.埋單70多元.

係貴的.但係值!!!

發夢時.

夢見你.其實又係無理頭又奇怪的情節.

一黎就係學校.聽到消息.夢見你在學校比日非禮(出奇!)

跟住無返幾日學.好耐之後.

知你返學.在學校最底層見到你.問候幾句.

跟住上最頂層上堂.到上堂時.所有人都到齊.欠你一個.

跟住唔知點解我由頂層係咁"飛樓梯級"趕落黎.

最後係最下層都唔見.跟住問了你最好的朋友(我的同學)

她說你去了"消防局"(奇怪).我一聽到心裡竟然明係邊(可能個夢係我發的關係).

跟住就飛奔去消防局(其實我醒左之後都唔知係邊到的???????)

另外發的一個夢

一開頭我就係別人的房間.(但很奇怪,人都冇見過就知係邊個人到.都係果句la可能.夢係我發的)

跟住係房到現佢個袋竟然同我的袋一樣的.

不過我係綠色佢係藍色.(夢裡是覺得藍色靚d.但係醒左緊係覺得綠色靚la)

就拿起手研究一番.

無幾耐就醒左la~~~夢入面一個人都冇.只有同個袋做對手戲.

都幾王家衛wo~~"我發緊夢果時"

亂拍了第一張之後.開始愛上這樣攝影~

你又知唔知係汽車o既邊部份呢?

出現了2星期的零booking日子.

今日終於有人落order叫我了.

25號和巴里團友仔baby cute.

期待~~

看得出像甚麼嗎?

我好像幾明白你.但係有時又覺得完全摸不著頭腦.

咁究境係咩一回事呢?

如果我有一個願望~

我想在我身傍的人都開開心心.

很不喜歡那些悲感別離的場面在我認識的人裡發生.

我希望做人女友的.她的男友細心體貼.

做人男友的.女友斯文賢淑.

做人父母的.仔女孝順.

別人仔女的.有美麗童年.

請不要再出現跳樓,分手,打仔,反面,戒手,痛哭.

在我認識的人身上了~

我看夠了~~不想再多看.一次也不想.

哥哥(張國榮)離去.亞芝自殺.

好友分手,朋友入院,同事逝去.黑暗童年.父母離異.

以上那些~~通通不要再給我和我朋友看了.

近排起跌得幾大.

係咪叫狂歡後遺症呢?

自問我個身體真係幾健康(一年唔睇醫生都得o既)

但係心理就好似差d~

今日見到好多"同學".有特登同唔特登見的

吃飯時,有特登去找的kim(中一至三)

有約了我吃飯的飛(中四至五)

在街上見到的吳春龍(中一至三)

跟住返學當然又見到班長(職訓至而家)同其他同學(黃克競ive)

回家時係電梯又比我撞到李嘉程(小四~六)

好多同學ar~~原來計計下~~

我們曾經都在同一天空下一"同""學"習.

同學們~~

今日去了鞋冥(海明)同學家Baby cute(bbq)

第一次去~~順道慶祝他31/10的生日.

嘩~~他的家很大~2個"狗仔"都很大呢~

我同鵬飛都被那巨形電視吸引著.

心裡都諗住同一個想法~(如果可以用黎.........就好了)

未燒之前打了4圈麻雀.

唔好意思地贏左少許.(其實都收左少少手,唔係咁鐘意贏自己朋友錢的感覺)

鵬飛就做緊好想做的事.用那頂級大電視來打x box 360.

我記得除左佢第一次帶kelly出來給我們看時.都未試過又咁o既表情.

一種掩蓋唔到的喜悅.壓制不來的笑容.

今日的bbq好豐富ar~~~龍利都有(不過不是用來燒的)

金沙骨~~最愛的雞翼~~~

跟住我地又玩左好多遊戲.

有始祖的"o屏,o拍.o華"

同變了種的"蒙羅麗莎~芭蕉樹"

仲有新遊戲"大蕃薯,細蕃薯"(我勁輸呢個game,飲死我)

之後又玩了例玩的"7級豬"(估唔到亞kim咁忍得口.不過睇佢講唔到野個樣又幾得意wo)

接近尾聲時~~玩回小學年代最愛又最"暴力"的game~~~"dum手"

最後我地7個人迫曬上架私家車回家.

好彩有鞋冥主人家送曬我地回家

thank you~~~

好enjoy一大班朋友圍埋一齊的感覺.

我相信感覺最深的是我了.

因為可能他們當中,有些人會不太熟

但係當中每一個人我都很熟的.

好開心,最要好的朋友都在這裡~~

在我還未渡入有女朋友階段時,幸運地有你們陪住我渡過~

就算來有幸地,有了.你們依然在我心頭.高高的位置.

十年~

一個人沒幾多個十年.

而20~30歲那十年的黃金時期.更時人生當中最寶貴的

她用了那黃金十年耗盡在工作之上.

為的不是"為名為利"(她可以像其他行大道的人.但她選了行小路.一條自己鐘意的路)

到了今日~~她找到/等到了.圓了每一位歌手都想發的夢.

紅館個唱!!!

其實在個多月前已訂了飛.

靜待今天的來臨.

每減一日,心情就越緊張,亦替她緊張.

到了今日.

其實中途發生了小插曲.

下午聽了一個電話.

一個bad news call.

嚇了我媽咪半死.

我聽到亦嚇到小死.

有諗過唔去睇的.但係諗到."黃金十年".

就決定"點都要去睇"!!!!一定要去.

早排仲講笑,話自己銀行戶口回退]至初入行階段.

而家仲弊~~直頭返番去初生嬰兒咁.嗄~~之前仲話儲定奶粉錢.

而家諗落要生少個先得la睇黎.(別了日本之旅,byebye相機,再見啦新電腦~~)

講返轉頭先.

一放工就去集合地點同良朋song一齊去紅館.

途中遇到個問路婦人.

亞婦人問我地尖沙嘴地鐵轉火車行邊個出口出.

佢第一次係呢個站轉(其實我都係第一次乍)

跟住我地一路行一路傾.婦人原來係去佢個仔家.

婦人行得好快,兩手都拿著一袋東西.

但速度無減,我地兩個後生,點都過唔到佢頭.後輩心感佩服.

到左場地.一心去買"手信"(記念品)

點知~~~~嘩~~~~~人人人龍ar~~好長ar~~

最後"來也空空,去也空空".

進了紅館.原本係8點15分開始的.

但可能人未入曬關係.

遲了小許.不過全場都無鼓噪.也不計較一時半刻了.

燈光暗了~結他聲響起了~~~她出場了

一身全白的歌衫~~再配一支白結他.

嘩~~nana+原底hocc+梅姐feel的全新何韻詩.超型

超被動的我都不禁"站起來,表示愛".為她喝彩~~~~

同song企~一企就企左幾首歌.同她講返自己個演唱會時才坐下.

我諗除左佢之外.我一定唔會咁癲.

跟住佢換左套紅裙出來,好深刻.

可能很少見她這樣打扮

有幾幕都好深刻的~

包括一幕.亞hocc穿了一條臃腫的長裙.

裙後連住一條長黑布.亞詩一路行,黑布一路灘開.

原來黑布下藏了一個人(Dancer).亞詩唱起了<<汽水樽裡的咖啡>>

一邊和那影子對著跳舞(構思超好).跟住黑布拿下了.

亞詩蹲了起來,開始解下那像蛹一樣的裙.

原來佢唱<<化碟>>ar.~~~好舞台劇ar~~個感覺(諗得好好)

又有一幕

左台的一角,用燈光射住,台上放了張凳.

凳是面向台中心的.

而台中心亦有張橫凳.

亞詩慢慢走去台中,坐下.

跟住係空中.

慢慢降下一個紫色大環.

那個環剛好圍住了亞詩~~

在她身前就停下了.她用手去碰那紫環.

發出琴聲來~~~

那個環竟然是一個鋼琴來

(一個超級棒的設計.一流的出場ar~~比我諗一世都不會構思出比這更好的意念.開了眼界)

她彈奏了<<孤身走我路>>.相信好多人都明白她心意的.

後來至知原來她苦練了3個月學琴為左呢個演唱會(好有心ar~~)

尾段她唱了<<絕對>>.知歌詞的人都知是甚麼事會發生了.

她流下淚了.在爸媽的面前.她很孝順呢~~

大家都估她會有甚麼嘉賓時.她宣佈是沒有的.

這反而是一個我想的結果.想睇的是何韻詩,何必要加插其他人做廁所位呢~.

但係明明係無嘉賓.點解會聽到呢個前奏ga.一聽頭幾粒熟到爆的音.就好幸定不是"詩歌"

是亞王的"鐵幕誘惑"ar.唔通係~~~但係升上黎果個都係hocc ar.

佢唱不特止,仲跳埋ar~~同原本亞王跳的一模一樣的(前aaron fans的我絕對瞞不到的)

好大驚喜ar~~我超鐘意呢part~~比請亞王黎跳仲有驚喜~~

全場氣氛都好高漲,每首歌都有歌迷伴住唱.

最記得臨完場時大家一齊跟住亞詩唱:全場在ya~ye~ye~ye~ya~ye.

真的全場的人都企了起來一齊唱~~好震撼.我係第2個演唱會未見過的.

最後多唱了一首<<小丸子>>作安歌握手.

我睇見她真係有好多人扶持佢,幫助佢,愛佢.

為佢出山再設計歌衫的劉培基.

如影隨形的青山大樂隊(特別係v記)

偏心錫她的wyman(看她出道至今的歌就知了)

明歌的人山人海朋友(人山人海新錄音室,第一個就比亞詩用了)

梁祝同人

師兄弟(安仔讓了"沙"給她呢)

有d係師傳績落的,有d係自己廣結返黎的.

但各人都很愛錫她~~使今日的,得以發生

我看到這個演唱會有一樣野,係別的演唱會很難見到的.

就是愛.全場的人都愛她一個,為她附出.

我撐妳!!!

1)極懶(墮性超強)

2)無記性(呢頭講完"2樓3字",果頭可以講返"3樓2字)

3)練精學懶(成日都以為係"聰明地懶o既方法".其實係又蠢又豬的方法)

4)零恆心(績極嚮住半途而廢的態度)

5)態度冷淡(別人笑我太瘋癲,我看他人發花癲)

6)手腳慢(步行除外)

還有.還有.........