下個月

情人節和小情人共渡華倫天奴日.

點老土都好.都要吃過情人餐.(唔係點算過情人節ar)

送份小禮物.逗她半個歡喜來

食完之後溫個地方坐底談心.

初三.

每逢呢日都會去母系親戚拜年.

呢日係所有母系親戚都會到的.

咁我就會首次帶她出席與我方親戚會面.

一次過見曬唔洗煩.

佢又可以逗多幾百元利是.

又唔洗成日比人煩問幾時拍拖.

又熱鬧高興.咁先似過年~

初四會單獨和她去林村許願樹.

去那裡還(樹)神.因為靈驗了.

你有聽過"巴黎  摩天輪"嗎?

咁你就明我想講咩了

1.索多瑪的120天(SALO,or the 120 days of sodom)
2.羅馬帝國豔情史 (caligola )
3.魔法聖嬰(The Baby of Mâcon)
4.強我(Baise-Moi)
5.切膚之愛 (oodishon)
6迷上癮 (requiem for a dream)     ＊
7.不可撤銷 /無可挽回(irreversible)  ＊
8.殺人不分左右(The Last House on the Left )
9.我唾棄你的墳墓(I Spit on your Grave)
10.感官世界(in the realm of the senses)

other

~發條橙 (Clockwork Orange) ＊

~戲夢巴黎 (The Dreamers) ＊

~巴黎最後探戈(Last Tango in Paris)

聽了一隻好聽的唱片.

吃了一碟好吃的腸粉.

但沒有一個好靚的心情

記錄下來.

只可要簡說

謝安琪新碟好聽

合益泰腸粉好食

係咁多.

講真,唱歌一定唔係我興趣之列.聽歌就會係.

我記得細過時,甚至覺得聽別人唱歌(not歌手),係一種懲罰.

所以我從來都唔鐘意罰人同被罰.我記得有一次玩一個遊戲.

輸了要罰唱歌.我真係成個人啞左.

那刻真的想受一點皮肉之苦都不想唱歌.

但係尋日,我竟會唱了起來.(雖然效果真係"一絕").可能係有種推動力.

好像克服了潛伏在我心上的一大難關.

而且還真係玩得好開心.

雖然只有4人,但就好像開了個10人大party咁.

所以話呢~朋友幾多都無用的.最緊要Match.

今日返工時.還經常無情情咁哼住"滄海違珠"呢.

看來.我可能喜歡了這玩意了.下次定必會更好的.

今次眼突的朋友們.下次一定會令你地d"耳油"如雨露降下的.

"唯獨我先可以,明白上帝構思.於沙礫裡找到璀璨珍珠"

(p.s.   josy唱的"才女".真係好聽.係我唯一最靜的幾分鐘.

以後唔叫做"班長女"lu.改口叫"才女"先)

A 預料:預測一件不能準確計算的事情.

B 意外:一件發生了,不能預料的事情.

C 失望:一件抱有希望的事情途中發生了意外.

d 深沈:當一個人經歷了多次失望,低點後.磨鍊出來的感情.

最可怕是,愛得太遲.

今日我一切就緒.帶齊所有物品.

但萬萬(__)不到.竟然中途發生了小(__).

一切也徒然.之後掛著一個(__)的心情一整天.

開心好易,(__)亦好易.

尋日去左bother's home.第一次去.

其實係想去睇下"亞虎"同"亞春"(佢飼養的兩隻貓)

"亞虎"明付其實係一隻老虎仔咁,小霸皇一隻.又惡又大食.

"亞春"就真係"豬咁春"那樣.食又唔夠槍.打又唔夠打.成人比亞虎恰.

左:亞虎(例必食先,勁拆得ga佢.小霸王一名)

右:亞春(鶉春)

亞虎因剛做完手術回來,脾氣燥,常和亞春切磋武藝,所以被放入籠.好似薩達姆入獄feel

l

自由的亞春(呢張個pose勁似匯豐隻石獅)

亞春去探亞虎監,手足情深

最後放左出黎.玩一輪之後."大覺訓"

唔知點解.我見到亞春時.感覺好似自己童年.

我當佢地兩隻係貓仔個細佬.貓仔會保佑佢地的.

我都會好似對貓仔咁對佢呢2隻細佬的.

早一兩日.英文堂要做小組口試討論.

我記得題目係"IT對學習語言技能的影響"

我記得我地討論左好多個point.

但我最記得o既一個係"上網使到人們不懂得群體生活溝通"

其實佢講呢一點係o岩的.係真的.有陣時.

係好想在電話講,面對面講.但係當係o咁o既情況下那時.顯然不懂得怎樣去溝通.

反而用sms同msn就會顯得自然自在.

但面對面,聽到對方聲音時,不是更真實,更有交流嗎?為何會顯出支唔以對的模樣.

今日從別人口中聽到平日自己成日講的一番話.

好有感覺.我明白他的感受.亦明白點解他會想出一個傻方法.

通常令人失去理志的人多數都做埋同一件事(談戀愛)

幸好我尚存一點理志(係幸的不幸呢?)

有陣時得閒時會諗下死後會去o既係一個咩地方.

一個我會到的地方.

我諗過係咪所有死左o既人都會去呢?

咁果度咪"積存"了所有歷史記載的人物.(如沒有輪回的話)

咁即係可能會見到法老王同秦始皇互相交流起金字搭同兵馬桶心得.

哥倫布同鄭和"餐"船仔.

仲有o既係.d動物會唔會都一樣會"績存"起來呢?

咁咪可以唔洗比錢入戲院睇朱羅紀公園都睇到恐龍lor~

仲可能睇到中國龍添ar(其實係人們虛構出黎的,根本沒有)

現家我地可以比錢騎大象.係果度唔知可唔可以比錢騎翼龍呢~(真係正ar~激型)

仲有一點諗過o既係.我地去到那裡時.我們的身體樣貌會係一個點樣姿態呢?

死時的樣子?(咁炸開一灘死果d.去到咪又係一灘野.)

死前完整的樣子(咁咪8成以上係老人家)

一個自己選擇的時期的樣子(咁周街都後生仔女la)

還有,去到那裡還會有病嗎?還會死去嗎?

再死的話.是去另一地方還是再來一次(再來一次????)

咁咪好似d古時皇帝叫d道士整o既野一樣~~~永生(永死才對)

究竟是一個甚樣的地方.

幾十年後.我會知道的

好耐都未試過瘋狂地做一樣野

我呢3日為左一個人.

打左幾百次電話.

仲係同時3個電話一齊打出.

又用手又用腳襟出.

鐵一般的傻仔行為.

最後.想得到的始終得不到.

可以做的,我都做了.

有點遺憾........

10個月後.我會為你護航的.

今日係我(愛)台903叱咜十大頒獎禮日子.

係電視未播之前,己急不及待聽住收音機直播先.

第一首金曲就係亞kay~~真係好,唔洗驚白果.

跟住一路落都係拉劇情發展落去.

戲路不大.直到我眼中的高潮位.

女金~~當森美宣佈左joey係銀時.

我真係大叫左出黎(當時係聽緊收音機)因為我知道有個人等了十年.

我都為她唔抵了很多年.她終於得獎~~

佢致謝時羅左wyman手制的香檳塞叱咜金獎出黎.

wyman對佢超好~~

我欣賞的人鐘意我鐘意的人.

到最尾佢講"我十年前係一個人手上接左第一個金獎至而家.我想多講一個人"

我就知佢講緊係十年前佢係新秀勝出.係梅姐手上羅獎那幕.

之後佢還是要多謝梅姐.那一刻.真的很感動.

替你高興~~

高山青龍真係估你地唔到.超出我想象之外.但係"係得果隻"

4位唱作新一輩表演那part.真係全晚最精采.

比好多上台羅金曲獎的人唱得更好.

比他們更應羅獎(我覺得)

ivana把聲真係靚到漏~表舅聰d舞原來又咁犀利.

敬軒d live真係迫得住醫神.方大龍今晚亦使我相看.

見到軒同ivana台上的動作.小情侶模樣.

真的是絕配.如果我係張軒的話.可以比我選世上任何一個女仔做女朋友.

我都會選ivans~真係無得頂的一對.

成晚~亞未來表舅母都比人開左幾次玩笑.

不過佢性格好玩得.睇見佢都仲識笑.

我會等你回航的~~

今日會分開靜同動2邊講.

首先係動~

今日去左班長的那個過千呎豪宅燒雞翼.

記得上年都係咁樣過的.d人都差唔多.

係多左josy,小左鵬飛.還有.............

不過都玩得好開心.

我地o既主打game"蒙羅麗莎、芭蕉樹"得到新元素加入.

使呢個gane更過隱抵死.還有別注版的(~~星期二,跪玻璃~~ 趙蚊's verson)

食飽後班長更羅埋佢d"私伙野"出黎比我地玩.

張黑暗照出一片光明.

good play的一晚

思想編

06年~我記得

4個生日約會

一次船河

首次出國旅行~峇里

2個演唱會

1次邊爐

2次燒野食

看了一次kay的live

一年365日6小時,有幾件值得回味的事已不錯.

其中一件係.將我的好朋友帶給另一些好朋友識.

起初真係會驚住玩唔黎,唔夾.但玩落又唔係wo~仲好左添~

呢樣野係令我感到欣慰的.

如果人們都將他們的朋友各自都組成一團起來.

真係有一日成功的話.

相信這就是大同世界之時.

all is friend~