昨晚3 點前已經訓了,但仍然中午12點才起床,早上8點起過床,仲接到陳sir(退休數學老師)電話,約我明早去鹿頸行山,仍未決定去唔去,因為要好早起床o

12點起床後去了學記食麵,今次冇以前咁好食,可能師傅技術走樣,可能自己心情問題,唔知點解,今日有一點兒感到孤單,send sms話比老婆知,仲比佢話返我低能o

晚上,得兩個仔同我落街食飯,本想食日本野,但大仔反對,佢話有少少感冒唔想食魚生.

幾乎行晒成個元朗都唔知食什麼,唔係冇位,就係見到門口都唔想入,

最後去左元朗廣場食快餐.

今日好早起床,好懷念從前返工返學的日子,但我已不屬於任何一間學校的了.

可能今日約了一個我第一年出來做班主任的學生食下午茶,所以有些感觸啦.

他今日已三十多歲,事業有成,執業會計師,

在下午3時半,他開了一部名貴房車來接我到馬會會所食下午荼,

那裡很大,很寧靜,有很多草地,有一個大馬場,原來入會費都要二十幾萬,

自己的學生事業有成,連自己都有一份成功感,都有一份喜悅感.

希望我有多些學生他日都事業有成啦!

今天很眼訓,可能晚晚四點幾先訓啦,

訓到11:30才起床,去搵位同老婆飲茶,

之後好想飲粉葛湯,去街市買啦,粉葛煲西施骨(正).

今日冇心機打機,因為昨晚強化裝備時全部爆哂!

全副身家都爆晒嚕.

晚上冇心機打機,唯有睇電視啦

今日係5月12日,話咁快四川地震已一年,全部學校都有儀式,我就冇份參與嚕,

但睇qooza加上問我兩個仔都知道發生咩事.

儀式的目的徐了紀念四川地震外,就係要提醒大家唔好身在褔中不知褔,

可能天氣熱了,睇blog發覺好多人(包括老師)都好燥,燥咪涼下冷氣喇,唔好成日罰學生呀.

今日才發覺自己的眼力愈來愈差,昨天打online game賣250000000的東西打成25000000,打少個零,冇左2億幾呀,

要搵幾個月先搵到呀,現在都冇心機玩嚕!!!

今日係母親節,早上11時才起床,去酒樓飲茶,比平時多許多人,

有好多母親,搵位比平時困難好多,

飲完茶後回家同兩個仔打機喇,連續刷了幾隻王,但都冇寶出o

到了晚上我提議去酒樓食飯,因為我知道今晚母親節會好多人去酒樓食晚飯,

雖然我母親唔係到,但內心仍然有亞媽存在,去酒樓感受下母親節的氣氛喇o

食完飯回家已十點幾,兩個仔忙於做功課,冇人陪我打機嚕.

但係唔緊要,有個靚妹係msn度話同我玩彈水亞cup(炸彈人),

連downloan連註冊開account都唔駛十分鐘,玩落都幾得意,

唔怪得亞仔以前成日玩喇,亞仔聽到炸彈人d音樂連功課都唔做跑出黎教我,

都萛佢孝順喇.玩玩下對方話要ZZZZZZ.

唯有自己玩,玩到2點幾才玩返自己個隻王者之劍.

結果又玩到4點有才上床ZZZZZZZ