| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2009-05-30  |
分類: 未分類 |
今日起床已經下午1 時正,冇法子啦,幾乎天光先瞓,咁樣唔可以,對身體唔好,改!?
一定要改,比十年八年時間我改啦,哈哈.
個個都有節目,lunch得返我同大仔食,去了食麵,那間牛孖根麵好正,叫了一碟整牛腩,
一樣咁正,食得出係用時間來煮,唔係加化學品.
晚上都係出街食,那間紅卜卜餐廳,一次過遇見三個兩年前中七畢業的學生,世界真細小
啦.
晚上想早d瞓,但晚餐飲了杯凍咖啡,成晚眼光光,瞓唔著,索性打機打天光^^
|
2009 年 5 月 29 日 星期五  |
| 2009-05-29 |
分類: 未分類 |
今日自己食lunch,自己在家上網和睇電視,但有好多個人打電話比我,同我傾野,所以一d都唔覺得悶.
晚上一家人去酒樓食飯,大仔生日,他中意食魚翅,所以叫了一窩魚翅,蒸了一條魚,西蘭花帶子,火腩海參炆冬瓜,仲有乳鴿兩隻.唔錯幾好味.
食完回家睇電視,今日柴9哥大結局,結局係最差的一集,草草收場,應該死的唔死(彭鏗)
唔應該死的就死(柴9),我話最應該死的係個編劇. |
2009 年 5 月 28 日 星期四  |
今日係端午節  |
分類: 未分類 |
今日係端午節,本來有個朋友約我去沙田睇龍舟,但後來又話覺得太早沒有下文.......
今日凌晨3點睇歐洲國家杯決賽,結果冇令我失望,
我個偶像有入球呀,個頭球靚絕.
曼聯戰術有問題,冇理由同巴塞鬥地波,全世界地波最好一定係巴塞,
曼聯應該用英式打法,長傳急攻.
由於睇通宵波,今日瞓到中午1點幾.
飲完茶後去買蛋糕,因為明天大仔生日,今晚過了12點便切蛋糕唱生日歌啦.
由於買了個新靚鑊,今天決定買送煮飯.
|
| 2009 年 5 月 27 日 星期三 |
| 2009-05-27 |
分類: 未分類 |
今日好返晒啦,多謝各位關心.
中午自己一個人食了個午餐.
以前我最怕一個人去食飯,好似好有孤獨感,
但間中一個人都唔錯,可以靜靜思想下,又可以觀察下其他人.
晚上又成家人去了食元氣,因為兩個仔好中意食日本野.
我對他們說:既然中意食,今日食多d,每人要食夠200元才好走.
結果儘情食都係4 個人食了478元.証明我地都唔係大食之人.^^ |
幾乎全日都是睡覺  |
分類: 未分類 |
今天早上8點便醒了,雖然冇頭痛,但仍然頭暈暈,再去睡覺,睡下醒下,最後3點幾先瞓醒,午餐都未食,手軟腳軟,可能肚餓啦,腳軟軟點出街食飯呢?
好在記得雪櫃內有隻裹蒸糉,用水蒸30分鐘才有得食呀,味道一般,裏面的豬肉好似柴皮,而綠豆一粒粒乾曾曾散開,唯一可取係d糯米,食完成隻,雖然唔好食但成個人精神返.
即刻開電腦上網睇新聞.
今日原來外母生日,晚上去了屯門食飯,有好野食,好在好返89成,唔係浪費了一餐.^^
好担心今晚瞓唔著,因為之前兩日瞓足24小時有多.打機打夜d,但又怕比人鬧. |
|
