考試時間,打blog的人少左好多,上msn的人都少好多.

這幾天無乜特別,所以連blog都冇打,

天氣唔係熱就落雨,所以連出街都少.

最近發覺我可以出車去遊車河,都幾爽.

快d考完試啦,到時兩個仔又可以同我一齊打機啦.

人與人的關係好微妙,會突然變得好疏遠,漸漸便會冇乜聯絡,

最後連對方的存在都會忘記了,這種情況我經歷得太多了,

小學同學,中學同學,大學同學,讀教育文憑的同學,同事,學生............

冇所謂啦,一百年後除非你是大人物,否則地球上都冇人會知有你的存在.

所以最緊要活在當下,活得開心,只要無損他人的,中意做就去做,不中意做就不做.

中意就傾多兩句,唔中意咪萛喇,無謂強求啦.

這幾日都落雨,所以冇出街,連續3日冇落街,對我來講係一個紀錄,但仍未覺得悶.

有電腦,有電視,又有電話,點會悶呀.

昨晚瞓得唔好,所以今日冇乜精神,下午契仔(女)來搵我溫習化學,原來佢昨晚都係失眠,溫了兩個鐘便走了,希望她今次考試化學科會合格喇.

晚上出街食日本野,次次細仔決定食乜,都係食日本野.無所謂啦,我都幾中意食日本野的.

食完回家撞正落大雨,唯有搭的士啦.

晚上發覺部手機壞了.另外一部又唔岩張卡,換句話說,這兩天冇手機用tim.

要搵我傾訴的,遲兩日啦.

今日下午好返晒啦,前後食左四次藥呀.

上午雖然唔舒服,一樣有去飲茶,跟住行街街,(梗係同老婆啦),精神返晒,

之後買左份禮物去探人,太太個妹生了個BB女,得4磅重,好細粒,好得意架.

生返個BB女都幾好玩WO.

在這裡說一聲多謝各位關心我的朋友.我好返晒喇!!