幾日冇打blog啦,因為冇乜特別,都係打機,上網,睇電視.

但係多左兩個仔陪,豬流感提前放暑假,梗係開心啦.

昨晚好開心有兩個好耐冇搵我的朋友打電話比我,同我傾左好耐.

今晚去了新元中食飯,中七謝師宴,唔係太開心,班人攪得冇氣份,又見返一些唔係好想

見的人.知係咁失敗一定唔去.

好熱,好熱,熱到唔想出街,熱到唔想去玩.

最好做乜,最好係屋企開冷氣打機......正!

今日父親節好開心,早上飲茶,晚上去酒樓食父親節套餐,

食物其次,最緊要一家團聚,開開心心.

明天過後兩個仔考完試啦,可以全程投入打機啦.^^父親節節

這幾日,lunch都係由大仔考完試後去買返黎食,我講過佢中意食乜就買乜,

結果三日都係食M記,三日都係食足三兩,雖然好好食,但食到肥晒,怕怕.

M記d廣告效應真利害,見到個令女食足三兩,係人都想食,仲食足三日tim.

有機會都要做多d運動減減佢,例如踏下單車,跑下步,游下水....

唔係係街比人見到都唔認得^^

今日天氣幾悶熱,成日都想瞓覺.

兩個仔考試,電視冇睇,打機唔比開聲,

我都想大家快d考完試,

到時可以一齊玩啦