今日全日都唔舒服,心口痛,可能係感冒,好在冇發燒,唔係大鑊喇.

食了感冒藥都冇乜用,都係忍忍作痛,好在大仔之前都係心口痛,証明係感冒.

如果唔係以為心臟病tim,真係大吉利事.

現在d感冒菌真係千變萬化.

痛到心情都差埋,兩個仔就唔好彩,成日比我鬧.佢地都明我因為心口痛.

明天仲係痛去睇醫生.

今日上午沒有特別,都係自己在家,連中午都在家食,感覺都幾好,

下午去了開心廣場pizza hut食下午茶(d食物唔錯),有四個舊同事勁吹水,吹足4 個鐘,正,

返到屋企都快8 點了.

兩個仔下星期考試,我陪佢地唔打機兩個星期.

今日很開心,我個契仔(女仔),黎搵我溫化學和吹水,又有幾個朋友和學生打電話比我吹

水,仲有幾個fd搵我明天去飲下午茶,哈哈到時又有得吹水啦.

今日心情很好,退左休兩個月,仲有咁多人記得我,很開心呀.^^

識我的,多d搵我,多d上我blog,我就會好開心架喇.

近來沒有特別事情發生,都和平日一樣,所以都沒有打blog,費事悶親大家啦.

有些人會覺得我d生活好悶,但我唔覺得咪得囉.我d生活方式關妳咩事丫.

一個人最重要係內心感到滿足.

昨晚晚飯飲了一杯咖啡,結果成晚冇瞓,上網和打機打天光,天光才去瞓,

一瞓瞓到下午1點幾,飲完茶都4點幾,一日又過了大半啦,不過唔緊要啦,最緊要好玩同

開心.

日日都出街食晚飯,今日我提議在家煮兩味萛,

節瓜虾米粉絲煲,肉片炒芥蘭.幾好味架.

今晚決心做下運動,令到個人勀勀地,希望可以早d瞓得著啦.