十多天的假期又到尾聲啦,有些人好想快些放完假,因為好想見返D好同學/好同事,

但有些人認為假期太短喇!咁快就要返工/返學,這兩種心情我從前都試過o

但現在我的心情便從來都未試過,我有無止境的假期,退休了,日日都是假期,有放不完的假期!是開心?是無奈?

我自己都不知道,可能我仍未習慣退休啦.o

我中意熱鬧, 我中意吹水,我中意一大棚人聽我講嘢.o.這十多天來我好習慣,因為全家都放假,網上朋友大多數都放假,我日日都很忙,打機喇,msn,玩facebook啦,o

仲有3日,全家都返曬工/返曬學,網上朋友都返曬工/學o全世界只剩下我一個,獨自留在家中,到時會習慣嗎?

現在我自己也不知道,只是有一點害怕,有一點兒緊張.

放假以來晚晚都3-4點才訓,每日幾乎午飯時候才起床,今日也不例外,午餐後來一個午睡,已快下午5時了,上一陣網便要去屯門食晚飯,今晚有個長輩生日,去同他做壽,都很開心o

回家後繼續我的網上生活^^.

今日去了荃灣同舊同事食飯,天南地北無所不談,好快由12:30至4:00pm,但天有不測之風雲竟然下大雨,惟有再在商場另找地方等雨停

所以回家已經下午6時半了.今天時間過得真快,我想如果不掌握時間而讓它輕易溜走.便真是可惜了o

部電腦卒之ok左,唔駛同個仔爭電腦用啦,sms都全部回曬啦,心情特別輕鬆,

又可以同d fd盡情咁msn.所以今天心情都幾好,

明天約了朋友到荃灣食lunch,又有機會比我吹水啦,

以前d朋友話我中意吹水,我開始時唔係咁相信,但一有機會吹水我就好開心.

現在我唔相信都唔得啦.

講起中意講嘢,我最難忘就係講鬼故比1A聽,佢地好留心,比起上堂留心十倍以上,仲好有反應,

應該靜的時候,全班靜曬,應該驚的時候有人驚叫,全班息曬燈,好有氣氛架.

希望仲有機會講鬼故比1A班聽啦,

同學們,放心啦,我係唔會忘記你/妳們的.

今日部新手機已差好電,同時學識了手寫中文,本想回已積壓了多天的sms,

但是部電腦又出現問題,忙碌了大半天,仍未ok,明天再努力過,

同仔仔借部腦打下日誌啦,有send  sms比我的朋友再等多一天吧.唔好意思.