菲律賓並唔似香港咁樣 要乜就有乜, 所以, 菲律賓啲小朋友可以話冇乜玩具可以玩,
佢地只可以利用手上面有ge野去設計一啲小遊戲出黎...
其中最受歡迎ge, 可以話係「丟錢幣」,
小弟喺老家幾乎 日日都見到啲小朋友 / 年青人 喺空地果度 望住個地下再丟啲野出去...

某日, 小弟好 好奇咁樣走去佢地果度研究研究,
佢地用ge錢幣並唔係 菲律賓現行貨幣, 而係舊版ge 1披索,
至於佢地點樣得到啲舊錢幣, 小弟並冇過問到...XD

小弟呢次旅程當中, 識咗兩個玩法

首先就係最簡單ge對打,
玩家首先要輪流 丟自己ge錢幣出去, 錢幣落喺邊度就企邊度,
下一輪就要將錢幣丟去對方ge錢幣果度, 擊中咗就算嬴~
輸家就要 執起地上面ge錢幣, 交到嬴家手度...
老實講, 小弟覺得呢個「懲罰」都幾諷刺...

其次果個就複雜少少, 而且小弟未可以完全掌握到個玩法...
將N個 現行1披索 (睇返有幾多人玩) 放喺地下 大約15cm x 15cm ge方格入面,
玩家就要丟自己ge 舊版錢幣出去, 將果4個錢幣打離方格果度,
打走咗就可以得到果個錢幣...
如果某一個玩家成功咗的話, 其他玩家就得一次機會「翻身」,
就係要擊中返 嬴家ge錢幣...
成功擊中就可以重新再黎; 如果唔係就會白白冇咗1披索...

最令小弟佩服ge係, 佢地丟起上黎 又狠又準,
竟然連距離十尺ge錢幣都可以擊中!!
小弟今次真係冇野好講了...

↓(左)現行1披索; (右)舊版1披索