喺菲律賓, 市民可以擁有槍械, 但係就要考牌,
所以街上面不時都會有啲槍店,
但係小弟並冇入去參觀過, 所以都唔係幾知道入面有咩可以買...

某日, 舅父帶咗小弟去沙灘燒手槍, 一枝係用 .45ACP, 另一枝係用9mm...
由於小弟係第一次燒真槍, 所以特別興奮~

舅父發射手槍果陣, 「砰」果刻唔算好大聲,
但係小弟ge耳仔被 「砰」果一聲嚇到聽唔到野...(即係暫時性失聰)
感覺雖然怪, 但小弟覺得都幾過癮吓 XD

首先玩ge係.45 ge M1911A1, 小弟對呢枝野覺得奇怪,
點解槍身會刻住「Made in China」...-v-? (其實都係啱啱發現...)
小弟發射果陣, 枝野ge後座力真係令小弟非常興奮,
但係就非常難 命中十幾米外 紙靶ge小圓心...

到另一枝手槍, 枝野係Beretta出品, 外型非常似M92FS,
但小弟唔係好確定佢係真正ge M92FS, 因為舅父枝野ge Hammer同其他果啲唔同...
可能係啲Police Model之類啦...-v-"
因為枝野係用9mm子彈, 比.45 ACP細少少, 所以後座力會比較細,
小弟好輕易就命中個小圓心~

槍始終都係一個非常危險ge工具...都係小心使用為妙...

↓(左)M1911A1; (右)疑似M92FS ge手槍

燒槍, 一向都係小弟多年黎最喜愛ge活動, 但萬萬都估唔到, 小弟都有機會喺菲律賓燒槍~! XD

話說唔知邊一日, 小弟同一班非常可愛ge表弟表妹們 玩緊ge時候,
竟然喺間草屋果度發現咗一枝汽槍~ 於是小弟非常好奇咁撚一撚技槍啦 XD
唔知係唔係因為 呀姨們知道小弟喺香港都有玩開汽槍, 所以就搵日拎出黎比小弟玩呢? XD

果枝汽槍 小弟未喺香港見過, 係一把搖風槍黎,
射4.5mm子彈, 每射完一發就要重新打汽､ 入子彈,
聽射擊時候ge聲就知道, 呢一把汽槍ge威力相當大,
相信呢枝野係冇可能喺香港出現嫁喇... (香港法例限制汽槍射擊威力低於2焦耳)
所以小弟無論如何都要玩吓嫁喇~ XD

其中一個表弟拎咗九粒 尖頭ge鉛彈比我,
小弟當然急不及待咁走去搵野黎射啦~ XD
呀姨們叫小弟去射啲雀返黎...

不過講到 射雀, 不得不提 小弟老家後院果隻鷹,
媽媽曾經同小弟講, 果隻鷹係老家ge大敵,
因為佢成日飛落黎捉走啲雞,
所以唔知幾時, 某人 將隻鷹射低,
不過果隻鷹非常幸運, 只係傷到佢隻腳...

言歸正傳, 小弟拎住果九粒子彈走入農田入面,
但係果度啲雀非常醒目, 即使小弟非常緩慢咁接近佢地,
但仍然相距 好遠ge距離 佢地已經飛走咗...
就算接近到佢地, 唔知係因為枝槍本身ge問題 定係小弟本身ge問題,
次次都射唔中隻雀! 最後小弟得到真真正正 實至名歸ge「零收穫」...
真係好丟臉...

舅父都知道小弟鍾意玩槍, 所以佢搵日都拎咗 真正ge手槍出黎比小弟玩~
呢個...下回先分解 XDD

↓汽槍

小弟今次除咗學拃 私家車之外, 仲學埋拃電單車...
據講係因為小弟對 拃私家車怕羞, 所以先學拃電單車...

小弟八年前亦曾經試過拃電單車, 但都係唔夠私家車多,
反而今次 小弟成日「偷」呀姨舅父啲電單車出去奔馳...
因為拃電單 實在太容易喇, 起碼冇私家車果啲咁......高難度先啦...─▽─〣...
但係最令小弟估唔到ge係, 表弟表妹們 (細我少少果啲) 竟然都識拃,
而且仲拃得好好, 真係令小弟 O晒嘴......
不過小弟都唔執輸, 起碼 呀姨舅父們話比小弟聽 我已經可以申請一張執照啦~
只不過小弟未係菲律賓公民咁解姐...=v="

都係果句...菲律賓啲野真係平到乜咁...連電單車都唔例外,
一部全新､ 性能ok ge電單車 (好似200cc? 小弟已經唔記得咗...),
$10000港幣 已經有交易...真係平到嘔...

八年間, 最令小弟難忘ge始終都係小弟 十歲果陣拃住 舅父架車周圍去 (當然唔係出城市啦...=.="),
難得今次可以返老家, 點都要回味回味~!

諗返起八年前ge小弟一時好奇, 開著咗舅父架車,
喺其他人阻止小弟之際, 舅父又教小弟拃車...
喺佢ge輔助 同埋教導之下, 小弟好快就學識咗,
而且仲可以繞圈幾周添~...

相反, 而家小弟冇以前咁拃得咁好...
尤其喺轉彎同埋轉波果陣, 都搞到有啲手忙腳亂...
而且喺小路果度 幾度「死火」...
一黎係因為舅父今次比小弟「全權控制」, 二黎小弟怕羞...XD
只不過繞咗一個圈, 就已經想放棄咁濟...=.="

舅父話 下次小弟再黎菲律賓, 佢點都會教好小弟 XD

↓八年前的小弟

↓今天的, 車仍然保持完好

菲律賓並唔似香港咁樣 要乜就有乜, 所以, 菲律賓啲小朋友可以話冇乜玩具可以玩,
佢地只可以利用手上面有ge野去設計一啲小遊戲出黎...
其中最受歡迎ge, 可以話係「丟錢幣」,
小弟喺老家幾乎 日日都見到啲小朋友 / 年青人 喺空地果度 望住個地下再丟啲野出去...

某日, 小弟好 好奇咁樣走去佢地果度研究研究,
佢地用ge錢幣並唔係 菲律賓現行貨幣, 而係舊版ge 1披索,
至於佢地點樣得到啲舊錢幣, 小弟並冇過問到...XD

小弟呢次旅程當中, 識咗兩個玩法

首先就係最簡單ge對打,
玩家首先要輪流 丟自己ge錢幣出去, 錢幣落喺邊度就企邊度,
下一輪就要將錢幣丟去對方ge錢幣果度, 擊中咗就算嬴~
輸家就要 執起地上面ge錢幣, 交到嬴家手度...
老實講, 小弟覺得呢個「懲罰」都幾諷刺...

其次果個就複雜少少, 而且小弟未可以完全掌握到個玩法...
將N個 現行1披索 (睇返有幾多人玩) 放喺地下 大約15cm x 15cm ge方格入面,
玩家就要丟自己ge 舊版錢幣出去, 將果4個錢幣打離方格果度,
打走咗就可以得到果個錢幣...
如果某一個玩家成功咗的話, 其他玩家就得一次機會「翻身」,
就係要擊中返 嬴家ge錢幣...
成功擊中就可以重新再黎; 如果唔係就會白白冇咗1披索...

最令小弟佩服ge係, 佢地丟起上黎 又狠又準,
竟然連距離十尺ge錢幣都可以擊中!!
小弟今次真係冇野好講了...

↓(左)現行1披索; (右)舊版1披索