今日 Gag王、索媽、田井Francis 等「骨幹人物」都各有要事返唔到黎唱Choir,
所以得返啲小團員喺度... (咁 呀山 呢? @@...)

本來呢個情況可以話係普遍, 但今日唔同ge係 Francis 交低咗好多個Task比小弟做,
簡單啲黎講, 即係小弟做咗一日「團長」XD
(咁 呀山 呢? @@...)

雖然只不過係短短幾個鐘, 但已經令到小弟攰...
做團長都真係唔容易...
我諗下屆 團長都係推比 呀山 做好喇 XD

(呀山: 「你當我呢個副團長係咩呀! .\"/.」)

P.S.
Francis你冇Send份Powerpoint比我...─▽─〣

又係唱歌ge日子...
但今次因為某啲原因, 比原本遲咗三十分鐘先開始練習...
開都冇開聲就開始唱歌...真係有啲唔慣...

可能因為時間關係, 練歌練得出奇地少...
但今次ge練習特別加插咗一個 睇片環節, 睇吓出面啲人點唱,
聽到佢地唱得咁雄壯, 真係令小弟入迷~
不過唔緊要, 返正我地團有朝一日都會係咁! (苦笑中 ─▽─〣...)

睇完片之後就繼續練歌...
小弟今次獨唱ge表現比上次進步咗好多,
連 石生都讚好 XD
見到佢流露出 同平時唔一樣ge笑容,
小弟真係覺得非常興奮 XD

小弟會繼續努力的!

P.S.
《Carmen No.26──Les voici! Voici la quadrille》真係好好聽

 

今日原本要返上晝9:30 ge我竟然9:00先起到身*
冇理由Set咗兩個鬧鐘 (仲要7:30開始係咁鬧果隻) 都鬧我唔醒...真係太「厲害」了...= ="
好彩仲係8號風球...多得呢場風先令我冷靜返落黎...

由於打風亦唔使返學ge關係, 小弟今日渡過咗頗為冇意義ge一日...
頂多留喺屋企練習一吓合唱團 唱ge歌, 真係有啲悶...

近排好多人病咗, 我屋企人都唔例外,
小弟見到佢地咁 有時都會幾擔心, 因為如果連小弟都病埋的話,
就會返唔到合唱團唱歌, 亦有可能因為咁而白白喪失咗獨唱ge機會...
如果真係要病的話...拜託, 留待11月尾先病...感謝

* 小弟一般需要30分鐘準備出門, 加上大約45分鐘車程, 合共需要1小時15分鐘
如果真係要返學的話, 肯定遲大到...

踏入第二年, 所教ge野開始越來越深,
有啲科目其實係讀返兩年CE啲野, 不過要喺一個學期學晒佢;
有啲就係新野; 有啲係AL野,甚至U野...

今日係開學第五日, 所有科目都已經上咗最少一次,
對於各科目, 小弟都有唔同ge感受 (就簡單咁講吓啦...):
English and Communication for Business 1──因為係新教師任教ge關係, 所以都幾驚學得唔好...
Business Economics──其實就係CE野, 我諗都冇乜大難度吧 (雖然小弟未曾學過Econ)...
Costing and Decision Making──謝太話好難, 其實又真係幾難...=.="
Foundation Accounting──呢個已經冇難度了...
Quantitative Technique 1──唔識轉腦筋就真係會Fail了...(突然諗起:「言之成理便可給分」)
Legal Studies for Business 1──好背野ge一科...

*以上只係小弟到而家為止ge感受, 唔可以代表一整個學期 (突然間諗起Bias XD)

下個星期真係「黎料」, 但係小弟似乎仲未準備好...?

P.S.
Miss 「Magazine」金句:「我唔會Fail任何一個值得Pass ge人」

以往一直都係用Qooza, 太耐冇用過Xanga了...
小弟用咗唔少時間去重新執過Design, 總算完成, 出黎ge效果都令小弟滿意...
我諗日後可以同時行「兩Blog制」了 XD

http://www.xanga.com/lichi_wai