話咁快...長過會考ge暑假「終於」都放完...(其實已經放到悶...─▽─〣)
又係時候早起身, 聽書ge時候喇...

今日係開學第二日, 情況大概都同Year 1果陣差唔多,
時間表都係排得咁亂 (其實今年啲時間表如果係定咗的話其實都幾靚...);
幾個科ge「新」教師仲未上任, 要由其他教師代課...
但今年理論上應該比Year 1果陣好 好多,
因為上到Year 2, 好多野都比上年更多要求,
最少...都要我更加留心聽書先啦...─▽─〣

見返啲Year 1啲同學, 小弟其實都好開心,
但奇怪ge係...我竟然唔識將呢個心情表達出黎...?
呀Christopher, 你自己搞乜鬼...- -
幾時變得咁Cool...

唉...唔理咁多喇...
總之都係一句: 平平安安咁過咗呢一年佢就算啦...= ="

大家都要加油哦~!

P.S.
愛情有「短期」的嗎? 這令小弟頭昏了...

呢三日 (星期三~星期五) 係我校ge迎新日, 小弟奉 易拎姐ge請求返學校影相...
小弟最初唔知要影啲乜野, 去到先知原來 迎新日有活動搞, 所以希望拍低當中ge情況...**

小弟返咗頭同尾果兩日, 事緣 我星期四要去睇醫生, 但係因為冇預約, 所以最後全日都留喺屋企...= ="

喺呢兩日入面, 小弟不斷咁幫手影相、處理活動ge野, 真係手忙腳亂...
每次完工 (大約6:30 P.M.) 小弟都感到疲倦...
雖然係咁, 但始終都可以同一班「影友」一齊做野,
而且識咗一啲新ge師兄師姐、師弟師妹,
感覺都幾開心~我諗都值得ge~

** 小弟入學果年, 迎新日只係得連串ge講座...
除咗講座之外, 可以話冇其他野做,
小弟仲批評 果個根本就唔似一個「迎新」 XD
但今年比起上年進步咗好多,
起碼可以比啲機會同學去嘗試認識新同學先啦...

就快開學, 小弟要改善一吓 遲瞓覺呢個壞習慣lu~
希望呢一年可以平平安安咁度過...

開學又可以同 同學一齊去Gym房做運動,
有少少期待添 XD

P.S.
我可唔可以知道妳ge心底話?

話說小弟被一位影友拉咗去參加 救世軍隆亨青少年中心 搞ge行山活動,
對於我黎講都幾大挑戰...因為今次小弟 行ge係有史以黎最高、最難行ge山──鳳凰山,
而且仲帶住沉重ge攝影裝備...足以小弟大叫:「What the hell !」

沿途小弟因為身體不支需要多次休息, 真係麻煩晒隊友們...
有隊友們ge支持 加上自己希望拍攝順利,
好快就可以繼續行程~

黎到一座亭, 開始大霧起黎, 連小弟支電筒都變成「探射燈」,
雖然對小弟行程有少少幫助 (減慢步行速度), 但係就影唔到相 (能見度減低之餘仲要潮濕),
其實都唔知應唔應該多謝果啲霧...= ="

幾經辛苦, 終於到咗山頂, 幸好仲未日出...
雖然影唔到星空, 但係喺山頂影日出真係滿足過喺地上面影...

「雖然辛苦, 但可以換來更多快樂」

↓霧的美景
 

↓睇日出

↓雖然太陽被雲遮擋住, 但仍很美

↓見到太陽喇~ XD

↓日出鳳凰

↓鳳凰山隨便一拍

雖然小弟間唔中都會幫吓朋友影Function,
但其實心裡面有時都幾失落...

到而家為止, 小弟心裡面都有幾個 拍攝ge構思/意欲,
但似乎因為各種原因令到我唔可以達成得到 (時間上、人力物力上、金錢上, Etc. ...)
感覺其實都幾不爽的...

雖然有時見到朋友們用小弟ge相片做 MSN/Blog/Fackbook頭像,
感到非常感動,
但我最想要ge, 始終都係想影到我想要ge野出黎...

而家ge我, 可能對攝影開始感到消極,
但我知道, 如果我放棄攝影的話,
「一無是處」呢個成語就更加適合黎形容小弟...

小弟今晚出席咗 石信之先生的分享會, 最初都只不過因為有空餘時間所以就去參加,
但都估唔到今晚賺咗唔少野返黎...

話說小弟本來自己一個人去分享會, 都預咗應該撞唔到熟人,
但最後去到會場, 撞到 合唱團男低音其中一位團員~
咁都好啲, 起碼都有個伴嘛 XD

石指揮喺分享會入面分享咗好多佢ge經驗,
間唔中都有少少笑話緩和吓啲沉悶氣氛咁啦...─▽─〣
但最重要就係帶出一個信息────堅持自己ge夢想

好感謝果位團員, 因為佢送咗一本 石指揮自傳ge書比我,
亦都因為咁, 先可以拎到 石指揮ge親筆簽名,
更加高興ge係, 原來 石指揮有留意到小弟ge存在 XD

不過諗深一層, 小弟為咗將來搵到食先讀 會計,
但係聽完場分享會之後真係有啲衝動想為自己達成夢想,
最慘ge係, 我呢個夢想等於玩命────即使達成咗都唔會得到好多野
所以其實小弟而家都幾亂吓...
應該以搵食為目標? 定係以夢想為目標?
或者喺往後ge一啲日子, 可能會搵到答案出黎...