尋日成個人都唔知做咩..成日拎住部電話...

成日係表弟屋企玩都無哂心機...平時未輸過既我..都要甘拜下風..

今日..一直都係音訊全無...上堂唔專心都係正常既..好多人問起我..

我都只好扮聽唔到...一有時間就會諗起我地之前所過既開心日子...

互相激黎激去..去到..互相信任...愈諗愈唔明當中原因..

一到左lunch就去打波...將所有不憤同不滿發洩哂..係咁爆入去..

邊個阻我都唔理..直衝..一球,兩球,三四球..入球不斷出現..

完左個堂係中文堂..諗起岩岩打波既狀況..就諗返起岩岩開始既情形..

無論邊個阻止我地..都一定要愛下去^^

到左放學..係車度又諗..真係唔可以比自己得閒..一得閒就諗野...

諗起由相識至今既一切..經歷過相愛時期,阻撓時期,信任時期...

任何一個動作..任何一句說話都繞樑三日...

諗返起我個fd講過..[有幾愛姐..咪又係得三日!你節省少少la..幾日你地就散架la..]

又諗起king2講過..[你唔好愛得太深..太投入ar..好快你就會因你所做既而承受..]

呢兩句說話影響到我好深..當時我答[如果你係鍾意佢..你就唔會介意識左幾耐..]

[我唔信..大家為左對方改變左好多..只係呢點就証明大家都有決心愛下去..]

如果要我答多次..我可以講..我一定都會照舊咁答..

曾經有人講過..[愈易得到既野..愈唔會珍惜..]...

我岩岩相反..我反而覺得既然咁易得到..點解唔好好了解更多..變成珍惜呢..

就係愈易得到先要珍惜!呢句近排先感受到..

當我係車度諗左咁多野..就到左lu...

返到屋企..一邊做功課..一邊online..終於等到我想等既人la..

終於都應la..所謂既真相都知道哂..又愛又恨..

[還記得你曾說過些什麼嗎?]你可能忘記了..但凡卻永生難忘...

以前覺得戀愛好簡單架姐..有咪有..冇咪冇囉..

但係我終於感受到第一次既戀愛..原來一d都唔易..

同我以往渴望既初戀..差得太大la..

我唔會忘記我所有既第一次..我個心都係唔會變..

以前..而家..以後我都只會憑住[一係唔愛..一愛就唔可以放棄]既心態去面對..

呢個世界就係咁..好多野都唔到你去選擇..一切都順其自然..由天去安排..

得到咩..失去咩都勇於接受..一切都好公平!順其自然唔係仲好咩^^

我諗通哂lu~~希望你都可以諗通!

i have waiting for you~