今日派中文卷

原本諗住攞七字頭已經滿足   點知....相信變成全班至低分嗰個..........

唉.....都係時侯反省吓自己   見到d同學咁鬼高分

不禁問自己一個問題...... 3A? do I belong here?

我又開始有 d 自嘲  嘲笑自己可能襯不起妳  更插不起妳

一個成績咁廢人.........點會襯得起一個咁叻 ge 女仔........ 

I wonder what I'm able to do......

我突然問起自己   點解神會比呢個機會我......

我唔知   不過我信因果  一件事出嚟  必定有原因

有時候  我覺得做一件事  不需問原因  亦未必需要問結果

因為  我覺得兩者都唔重要  重要 ge 係過程

喺呢度唔怕講埋 la....愛情道路上  猶如睇一本自己喜歡 ge 書

點解要睇 ar? 原因唔重要  書最後始終都會有睇完 ge 一日  每一件事也會有結局

不過  重要 ge 應該係細閱書中內容 ge 過程  即使到左日後  仍然令人回味

睇一本書  求的是看完的時侯  還是令人享受的細閱過程呢?......   呢樣係客觀 ge 

我而家睇唔到路ge盡頭係點     但係我而家卻沿住條路行   

點都好  我會選擇繼續行   因為  機會不會主動嚟揾我  

Oh simple thing where have you gone?

今日  第一日返學   同時係我第一日跟妳面對面 ge 一日

不過  我都預左咁樣 ge 情況發生....大家又好似陌生人咁.....

只係....我 有d 唔知點去面對  可以做ge....都係咁扮無事  扮鎮定

其實  我之前 ge 感覺都幾亂  妳喺度嗰陣  就有d避忌 ge 感覺  妳唔喺度嗰陣  又想妳喺度

而家  我好開始習慣 lu  每一日我都期待妳喺我身邊....可惜....世事點會咁完美....

我好享受發夢 ge 時候  因為我可以拖住妳的手  擁抱着妳

無可奈何....返到學校.....妳又好似繼續避我

講真  我 feel 到妳都唔鐘意我地而家咁 ge 情況  我亦 feel 到  其實妳都想試吓發展落去  只係好似有d野佐止咁

點都好.......我實在能夠可以做 ge..........都係等...........

有時  我可會問自己  呢 d 叫期待還是等待........也許..........我會明白.........也許........並不是現在

無可能.....乜野叫做無可能?

妳叫我唔好再去鐘意妳  唔好再去為妳傷心   點解呢??

我之所以傷心  係因為妳對我不瞅不睬

我試過好多次去揾機會同妳講野  喺 ICQ 都留過幾次留言  希望可以好好地咁傾吓

結果  妳比我 ge 答覆係要我繼續等.....    我好樂意踏出第一步   只要妳都肯   跟本唔會無可能

神比呢個機會我去愛妳  我就要好好咁珍惜

因為我知道   神比呢個機會我  亦可以不動聲色咁隨時收返   問題係  "When"

神可以喺明日收返  可以喺下一個鐘頭收返  可以喺下一分鐘收返  甚至下一秒鐘收返   無人會知

我可以做 ge  只係可以好好地咁珍惜呢個機會   珍惜與妳同處 ge 時間

時間係唔等人  機會都一樣  假如我而家錯失愛妳 ge 機會  我怕日後再無機會  因為回不了...

妳話我比左好多壓迫感妳   其實  我一直以嚟都無要求過要妳做 d 乜   咁點解妳會覺得辛苦?

只要妳肯講比我聽  我樂意同妳分擔    其實  我地係因為缺少溝通  先會弄至而家 ge 地步

如果妳要我等妳......我願意繼續等落去.......                         

今日 31號   係 2005年 ge 最後一日   亦可算係2006年ge第一日

究竟呢個係結束  還是係開始?

每一晚  我都期待妳會同我傾計

每一晚  我都喺牀上失眠

每一晚  我都諗起去 camp 嗰兩日

我而家都同自己講  好在有去  唔係就後悔

講真  我都玩得幾開心  由其係食晚飯嗰陣  大家喺同一個空間  真係有d家ge感覺

一樣令人開心 ge 野   亦會令人唔開心

整整兩日一夜  我同妳連一句話都無講過  大家好似陌生人咁  有時仲可能產生逃避ge感覺添

最唔開心 ge 時侯  莫過於喺第二日離營之前 班同學仔所玩 ge 話事啤

我之所以躲喺宿舍 癱喺張牀度聽 MP3   其實就係好似妳咁 ---逃避

不過.....我逃避唔係想避妳   而係....我唔想睇到 d 會令我傷心 ge 野

也許....我日後會後悔逃避  因為...我失去望妳臉容的那段時侯    

If I could, I would turn back the time....

anyway....Time cannot be turned back....