今日起身打緊1號風球,

我都係今日一早先返屋企,

琴晚成日都係出面吹風,

因為有一個兄弟話說有人要追斬佢,

所以我出去傾下咩事,

同兩個fd係到傾,一個利志一個屎撈,原來因為屎撈搭上人地老婆,

人地老公話利志係媒人,所以就要斬尻佢,

真係好笑,當初我地識果時都冇諗過屎撈佢地兩個會行得咁埋,

但係有一樣野就係,屎撈一真都唔知佢有老公,

就係琴晚我地就話左比佢知,

佢知道左之後我地睇得出佢好唔開心,

屎撈真係一d都冇錯,因為我地瞞左佢咁耐,

我地都好唔岩,屎撈對唔住,

我只好叫屎撈離開,因為做第三者我真係好憎,

我話:你想點做都好我做兄弟點都撐你,不過我唔想我兄弟變做咁黑人憎,

其實成晚都傾左好多佢之後要點做,

最重要0既係宜家要搵果兩個刀手出黎,

因為我真係唔想睇到任何一個兄弟接傷害,

點解近排咁多第三者0既事係我身邊出現,

我自己件事我都未解決,但兄弟0既事我真係唔可以唔理,

屎撈真係唔好做第三者呀,我知道做第三者去破壞人地好容易,

最重要係人地有家庭有老公,難度今日佢可以為左你離開佢老公,

他日佢都可以為左第二個離開你,我知道你一開始咩都無,

之後可以得到感情,但人地老公同佢咁耐,

傷害最深0既唔係你地兩個,你人地老公呀,

你可以得到,但人地要失去,

我希望你會聽我0既說話,令人地失去另一伴係最仆街0既人,

我宜家就係咁樣比人令到我冇左老婆呀,

我成個人板係到比你睇,咁你之前安慰我0既說話,

咪變成廢話囉,希望你認真諗諗,

今日夜晚她返左黎屋企,

但同她0既關係都唔係太好,

感情變得越黎越差,我唔知其他人同她講過咩野,

但我相信距離分開0既日子好近,

訓覺時天上下著大雨,電視上寫著3號風球,

唔知聽日會唔會8號風球呢?

《《兄弟認真諗諗》》