今日如常起身返工食早餐,

今日我做0既野特別輕鬆,因為都係坐係到有張台比我做野,

唔洗彎晒腰,所以今日唔係好累,亦都唔係好痛,

成日都冇帶過手套,因為手套真係好唔方便,

但係成日隻手都冇痛過,只係手肘痛到仆街,

今日終於都完成左36個底,諗住冇咁多野做啦,

點知又黎一個24個底,同36個底一樣咁做,

唉.........一波未平一波就起,咁諗住成板拉去最近工程師個位到做,

點知拉唔到過去,就焗住搬過去囉,大佬成100排有多呀,

都要搬架啦,華哥幫我手兩個人快d,華哥就每次5排,

我就每次10幾排,因為想快所以唔理啦,

不過真係好重,太重所以d珠仔邊介左好多次隻手,

但係唔痛0既,不過隻手仲花過花面貓,

個個都問我做咩事睇唔開介手呀,我就話:屌你啦,岩岩搬野介到炸,

但真係好多條紅痕,算啦過兩日冇事啦,

今日又有兩個新人返工,原來都係一個同事介紹入黎,

姐係佢一個人介紹左3個人入黎,我成日叫佢地四人幫,

到左食晏我去左飲茶,其實飲茶都好丫,

可以成班傾下計減下壓,

到左差唔多放工,呀健女朋友就鮏左張紙入黎比我睇,

原來係我d ot時間,我話做咩唔幫我督多幾個鐘呀,

用d錢黎食飯都好丫,佢話我痴線就走左人啦,

呀英入日早走,5點放工就走左人啦,

我都冇問到佢咩事,因為做野我唔同出面,

所以我地都好小傾計,我多數都係做野多,

我就ot到6點就走人啦,返到屋企冇飯食,

咁就煮個麵算數啦,食完睇埋火影忍者,

就睇電視啦,今日全日都冇聽她電話,

因為我真係唔可以心軟,我知道一聽我做咩都冇用,

我要絕d狠心d,因為我真係覺得我地冇咩可能再一齊,

我地性格真係唔夾,成日都嗌交收場,

有時嗌得多我都覺得煩,做野都辛苦啦,

唔想理咁多野,不如結束左佢算數啦。

《《好彩係隻手花,唔係塊面花》》