今日起身睇下電腦3號風球,死都唔好信佢開埋電視睇,

都係3號風球,唔緊要啦都於左今日要返工,

去到火炭買早餐啦,入到麵包鋪咩麵包都冇,

唉.....咁買左杯凍奶茶就算啦,

上到去等左一陣珠珠都返黎啦,佢買左三文治奶茶,

我話你就好啦買到野食,佢二話不說比左一半我,

我緊係要啦,真係要食d野架,唔係肚餓不過早上唔食小小野好以爭d野咁,

食完就開工啦,我要做0既工作今日都做晒啦,所以今日做第二d野,

屈尾.........全日都係到屈鐵線,雖然隻手唔痛,但係耐左都係有腫0既感覺,

我今日做得好快,到左晏就我就叫人幫我買飯,

我大佬黎架嘛緊係唔洗自己做野,其實係我平時好人姐,

我對人好人地自然對我好架啦,飯到左食左一半左右就冇食到啦,

因為好飽真係食唔落,食完珠珠佢地都返上黎啦,

就一齊打機,不過個個打唔同的game,

好快就差唔多放工,突然黎貨.........

黎六板珠仔......一板成一噸半,

拉晒入倉我累到隻野咁...又污糟....又重到死....又出晒汗....

放左工就快快回家...沖個涼食左小小野,就出左去做gym啦,

去到gym房做完跑埋步都成9點半,返到屋企又沖涼,

不過出身汗真係好舒服,好鐘意做完gym肌肉痛果種感覺,

沖完涼發現左胸口有三條痕....

影相冇咁紅,真人真係血紅色.......

算吧啦,我都好累啦,我去訓啦。

《《做完gym聽日唔知會唔會累呢?》》