今日老婆返工,返到中途打比我,一早比老婆嘈醒,同佢傾左一陣,

我問佢點解電話費咁貴600幾蚊,我問係咪所有分鐘都係同『佢』傾 ,

佢話唔係,我話不如叫電話公司寄封信黎就一清二楚,

佢先開結始講係.....係『佢』,我問點解你會咁,係咪真係咁多野傾呢,

佢話全部都係講關於我0既事,我話你200蚊月費基本最小都有1600分鐘,

60*10=600分鐘 600*2=1200分鐘 60*6=360分鐘       姐係=26小時

重要加上爆左0既分鍾姐係有成30小時,30小時用黎傾我係咪有D信唔過呢?

30/1個月=1日用1小時傾我,我真係好擔心怕你會被搶去,最後佢選擇左唔返工返黎屋企,

返到黎傾左好耐我地0既問題,原3來大家呢一年黎真係有好多問題,佢0既工作比佢壓力大,

我0既學業比我壓力大,因為我讀書前工作搵錢多,係佢屋企人面前冇問題,

佢DADDY都好放心交左個女比我,但我一讀書冇左收入,我真係好怕見佢屋企人,

怕人地多野講,雖然我知道唔會,但避得就避啦,傾左好耐最後有一個結論,

就係比時間大家冷靜下,要諗下自己有咩做錯,係咪真係錯,以後既日子點樣去對待對方,

我希望真係用個心去諗,唔係因為有咩陰謀宜去分開幾日,

我講過我地分開我會出去識個女仔用返同樣0既手法比你知道我個心有幾難受,

但係試想下我咁做姐係同佢冇分別(姐係我殺左人地呀媽,人地個仔要殺返我,我D兄弟又去殺返人地個仔),

週而復始咁樣係唔得架,呢個係我呢幾日諗到既佛理,我呢排真係長大左好多,知道點樣去對身邊重要0既人,

知道點樣去做我應該做0既事,知道咩野叫做尊重,做人處事又有深一層0既了解,對於一個22歲0既男仔黎講好難得既經驗,

自從我DADDY係今年2月過左生後,我以為我自己真係大個仔,原來活到老學到老一直都係我0既左右銘,

我好慶幸當我知道有『佢』出現0既時間,我岩岩考完試,如果唔係我一定唔係10科都合格,

老婆終於都要離開我呢個家,但我有信心相信我地將來一定會過得好,

老婆會向佢0既會計夢進發,我亦都會隨著佢向我既消防員夢想進發,

當我地都成功0既話,我相信我地會幸福快樂,我應承過係老婆24歲前我就要同佢結婚,

行我地未行完0既路,只要有信心敢去做我相信成功離我地唔遠,

我成日話去做就有機會得,唔去做就一定唔得,

呢次係一個考驗,過唔過到就要睇我地兩個有幾愛對方,我亦希望朋友可以比到我祝福,

等我係黑暗0既地方都有一點光比我行出一條新0既路,

我再一次係到向所有朋友老婆0既朋友作出一次道歉,以前我地兩個0既事比你地不便,

好對唔住...唔好意思呀...希望你地可以比我一次改過0既機會,

如果我去改過但冇人比機會我,我知道我一定唔會成功,所以我鄭重係呢到講對唔住大家,

今次我係非常有成意去做呢件事,給我一個機會,

老婆0既朋友如果有係到睇過呢一篇日誌,我想講得老婆一個人佢好難諗到咁多野,

如果有機會我希望你地出手幫幫佢,同佢一齊諗諗。

                                                              《《問題》》 

(一)點解我會有咁大0既改變呢?

(二)我改變係因為咩事宜變呢?

(三)宜果件事老婆同『佢』做0既野係岩定錯,應唔應該做呢?

(四)如果知道自己真係有錯啦!!以後要用咩態度去對待我呢?       /        或者真係覺得自己冇錯又要點做呢?

(五)應該同『佢』係咪有所保留,朋友還朋友,係咪超出左朋友范圍呢?  <~~~~重點呀下!!!!

(六)『佢』係咪真係你諗得咁美好呢?  <~~~重點.....因為報紙太多報導 【友姦】 0既新聞  (友姦)大家唔明可上網查一查...擔心

(七)工作方面係咪比到我地咁大0既問題呢? 如果係又點做呢?   /   唔係又會點做呢?

(八)我既性格改變左係咪應該比我做返我做老公0既責任呢?  唔好成日:『唔洗啦,唔洗啦』

                           《《 係咁多先遲D諗到再打出黎》》

我有一個識左冇耐0既朋友,佢月1同我出去食飯問我點呀同老婆,

跟住話我覺得你D語氣對老婆好左好多,因為我之前係我朋友面前都係照粗口,語氣極差,我真係一個仆街黎= . =

佢話我唔同左好多,係咪痴左線= . = 我話我呢幾晚諗左好多野諗通左,

佢屌左我幾野同我講,你一早就應該咁做啦,之前做兄弟廢事話你,

你D死人脾氣我見到都想一拳打落去(講緊對老婆咋下,我對兄弟好好),你講野真係好過份有冇用腦諗過,

咁我話我宜家咪改變囉,遲到好過冇到嘛,

佢話浪子回頭金不換,當一個大男人肯返轉頭諗真係用黃金都未必換得到(自己讚下自己)

4日我會等待,到4日後我希望一個新0既結果會出現,一個舊0既問題會結束,

最後無論4日....4個月...4年....我都會一直等,等到你真係覺得要成家立室0既時候,

我地再過美好0既將來。

             老婆仔.....我......愛......妳.....