以經一晚冇同老婆一齊啦,真係好掛住佢的味道,

原來冇左佢係我身邊,真係會更加難以入睡,

一日都咁難頂,何況要幾日,

唔知老婆離開左屋企一日,有冇諗到我地0既問題呢?

重點係大家點樣去對待對方0既問題,

老婆所講既一聽到我把聲,一句唔岩聽就會著左,

其實有冇得改善呢?我脾氣咁火爆我都可以,

你跟左我3年半,我相信改變呢樣對妳係唔難架,

妳加油啦 ,你一定可以做到0既,

新0既將來開始.舊0既問題結束,呢句係我呢幾日成日想講0既句子,

講下我自己先,身體呀諗法呀等等..........

係呢幾日我一直睇住自己0既體重輕下去,

係5日裡面我輕左7磅,真係利害,唔知係精神壓力問題丫,

亦可能係有玩健身0既關係啦,我都唔知道,

利志琴日見到我都話我做咩好以大隻左咁多,

老婆打比我,利志同佢傾左好耐,我知道利志係一個好明白我任何野0既人,

佢係一個我好知心0既兄弟,因為佢係前幾個月都經歷左我宜家呢個問題,

如果我講0既野冇用的話,希望用心聽聽利志的說話,

因為每講一件事就要有即時判斷岩定錯,

如果要諗其實一個人靜靜地,係屋企訓係到望住個天就會有好多啟示,

琴晚利志係我屋企成晚,傾左好關於我同我老婆0既事,

佢同我講左好多問題,原來最大0大既問題係老婆身邊有幾個人一直講緊我0既不是,

令我做乜都好以冇用咁,宜我老婆又太易相信一個人,

佢身邊唔鐘意我0既人太多,令我做咩都冇從入手,

今次呢個難關真係難過,呢個考驗真係考到我,

我要做我自己應該做0既事,但又唔可以影響到佢身邊0既朋友,

唔可以講佢地有咩唔岩,有咩唔好,人地出0既招我一定要食晒,

因為我冇辦法去擋住,一個在明一個在暗,

以後做0既事就係老婆同朋友出街我都陪埋一齊去,同佢D朋友多D溝通,

令到件事淡化落去,希望直到冇事啦,

仲有利志同我講『佢』要係我身邊搶走你好難,

我話我唔係怕『佢』去搶,宜家超擔心我老婆有一日會出事,

因為一個人0既(背景/身份/性格/經歷)都未了解到深入,

好擔心『佢』會有好多唔好0既諗法,做出D對我老婆不好0既事,

我講過只要將一件事諗到最壞打算,就會知道自己怎樣防範,

傷風感冒好多都醫得好,原來傷風感冒都死左好多人,

呢個就係最壞打算,唔好認為唔起眼0既事冇問題,

可能往往就係呢D小問題,最後變成不可收拾0既大問題,

其實得我一個朋友比意見我,鬧我係唔夠架, 雖然我以經改變,

但我知道我可以做得更好更好, 同埋可以教下我呢件事我應該可以點做,

手冇得出,招冇得擋,但要撐下去,

其實我係老婆角度睇,佢又何嘗好受丫,

整日都要聽呢D說話,自己老公比人數到一文不值,

佢個心0既難受都唔會比我小,老婆返工辛苦,又要受老闆氣,又要聽到呢D說話,

我真係好心痛,試下多D轉換角度諗,老婆一定對你有幫助,

試下轉我0既角度你就知我有幾關心當下0既妳,

又試下轉到『佢』角度諗,『佢』其實要點,

今日寫0既野係咁多啦,因為重要0既人....人不在,

但我寫每一篇都係用左好多心機去寫,唔係吹水吹出黎,

如果要諗點吹水,我不如用果d時間去諗下我接下來要做咩重好啦,係咪!!!!!

仲有呀!!因為去到呢個環境我以經唔識點做,小弟咩都唔識,對於我同老婆0既事請大家剌教。

《《如果有網友/朋友/老婆0既朋友/遊客入黎睇過,我希望你地可以比我意見/留言》》

剛剛6點鐘我睇下個電話,睇下以前D信息,

有一個 內容係...................

你講咁多大話無非要我唔管你.....你既然唔珍惜我~

我管黎都無為~!我做咁多野...唔一定要話比你知~

受過苦都有好多唔想比你聽...你唔清楚唔代表可以話我乜都冇做過~! 

2008/1/3

睇到呢個信息我諗起前晚同你講過0既野,原來你都經歷過我宜家0既野,

原來呢樣野真係令人唔開心, 我以前真係帶比你好多唔開心。

 老婆!!對唔住呀))))))))))))))))我知錯啦!!

《老婆今日颱風呀~你自己返工返屋企小心D》