冇同老婆一齊訓以經第三日啦,真係亦常擔心,

其實妳知我緊張妳/擔心妳/在乎妳/愛妳/鐘意妳,

琴晚夜晚打比老婆,問佢放工係咪返屋企架,

佢話:係呀,放工打比你啦好冇,

過左一陣我打比佢佢話以經放左工自己一個係沙田行街,

我呆左一下,問點解0既,妳唔係放工就返屋企咩?

 佢話:唔係自己一個行下街都唔得呀,我話又落雨打風唔好自己行街啦,

早D返去啦好冇,佢好不滿話: 好宜家返去囉,

我真係好擔心佢出事,我不斷打左好多個電話比老婆,

一時話上左火車,一時話就到大埔,我好擔心佢呀,

我出左去搵佢,我去到佢返屋企個巴士站等,

我去到打比佢,佢話:我係巴士站等緊車啦, (當時有好多車聲老婆係街應該)

我心諗係咪我去錯巴士站呢?我再三追問巴士站位置,

冇錯係我現在果個位置,但冇見到老婆0既出現,

老婆就話:返到去打比你丫好冇,我話好呀,

過左15分鐘,老婆就打黎啦!!話:我返到屋企啦,我宜家去沖涼(當時好靜,靜到咩背景聲都冇),

我都係唔放心打多次比老婆,佢話:我沖緊涼呀,好凍一陣打比你啦好冇(有水聲,背景以廁所),

咁我就諗都冇諗搭車上去老婆屋企,點解咁做?因為我知我今日一定要求証一D野,

我一路等車個身一路震,震得好利害,原來我個心驚到停唔到,

震到我行路都行唔到,隻手好以柏金迅病咁震,個人就黎暈落黎,

個口不斷細細聲,講唔好怕唔好驚,一定有人0既,一定有人0既,

到我去到老婆屋企門口, 我不斷咁門鐘,冇人應,

我落去打比老婆我話我係妳屋企門口,開門比我見一見妳啦好冇,

佢激氣話:點解妳要咁做呢?(我前日0既日誌係,老婆唔好做D令自己後悔0既事)

我話:我唔咁做點知原來妳真係再一次呃我,

原來老婆跟本冇返過屋企,佢話自己一個出左去旺角飲酒,

自己一個我諗起都覺得好有問題,自己一個wo妳覺得真係冇問題咩,

我好失望,又再一次呃我,我唔知點做,唔知點好,

我最唔想發生0既鐘於發生左,我咩都諗唔到,

我話:我一陣打比妳,跟手CUT左老婆線,

突然我諗起老婆DADDY,係好耐好耐之前,

DADDY話我好放心交個女比你,當左我係半邊仔,同埋女婿,

我就知道如果我要分手,我要向DADDY交代,

我打左比DADDY,同DADDY講晒呢半年0既事,

我亦都向DADDY成認我曾經郁手郁腳/鬧交,

男人0既野做得出唔怕認,我成認係我有決心去改過,有成意去改過,

傾到最後都成12點啦,但老婆都仲未出現,

我同DADDY講我再照顧唔到你個女女,對唔住........

我真係接受唔到佢再咁對我,呃我,隱瞞我,我真係好辛苦,

DADDY話:唔好咁快決定先,不如我幫妳傾傾丫,我話過有咩事我都幫你地兩個,

我就話:我講咩你個女都唔會聽架啦,我叫佢返屋企,咁放一個女仔係街好危險,

果個係你個女女,你就當佢細個果陣時咁,出夜街你都會去搵佢,打比佢,

不如你打比佢叫左佢返左屋企先,等我地兩個都唔洗擔心住,

DADDY亦都好樂意聽,亦都話我講野有道理,

就收線打比左老婆,老婆亦都返黎,我亦都再次打比老婆同佢講我真係頂唔順雖要分手,

佢就話:老公老公唔好呀,哄我留低唔好走等佢番黎傾,我以為老婆真係諗過呢件事0既重要性,

我等....一直等等到佢返左黎,就傾啦,原來件事唔係我想像中咁簡單,

係條街到一直傾,傾到第二日7-8點,老婆就應承做一D野,

但我知道其實冇結果,問題會一直一直出現,

老婆對唔住,我真係再成受唔到宜家0既精神壓力,亦都接受唔到你對我做0既呃我,/隱瞞我,

呢個日誌可能到呢一日真真正正要結束啦,多謝咁多位睇過呢個日誌0既朋友/網友/老婆0既朋友/遊客,

你地就當小說咁睇囉,寫左幾日都帶比我知識不小,諗多左野,亦都令我7日之內輕左11磅。

         《《多謝大家》》