琴晚老婆終於都返左黎屋企,我知道琴晚佢全晚都冇訓過,

所以佢一返到黎我都好識做咁問佢食左野未呀,

如果未我就整飯比你食啦,妳想食麵定食飯丫,

老婆選擇左食麵,我就去左煮麵,我最拿手就係煮麵,

煮好晒d野食就羅入房比佢食,佢一路食一路睇我0既日誌,

我就係佢身邊冇煩佢冇嘈佢,因為我唔想佢食野都唔開心,

所以我選擇左望住佢食,老婆今次食得好以平時慢,

唔知係咪因為佢唔開心丫,定係返工返到好累,定係佢冇訓過冇胃口呢?

食野其間佢問我:你真係咁冇恆心記低我地0既事?

我其實想將我地0既事,一直記低直到死到老,

所以我今日會計續記低我地兩個0既事,

等佢食完之後,因為我知道老婆真係好累,我就執好晒d碗筷,

入到房陪佢睇電視,但睇左唔係好耐佢都不知不覺訓著左啦,

我就抱起佢等佢訓番一個最舒服0既位,再去開冷氣,

老婆訓左我就自己一個做我0既野,到零晨2-3點我都訓著左啦。

講番今日先,今日一早老婆起身,跟手我都起左身,

佢一起身我一手攬住老婆訓番低,

我真係想佢陪住我,但老婆話我就黎遲到啦,

我就放手比佢去梳洗,到要走0既時間,

佢都行過黎鍚左我一啜先走,

我就訓到2點左右起身,梳洗完就出門口去健身室,

途中我買左一個麵包,因為我真係唔想食野,

一個麵包以經好足夠,去到健身室都係做番我要做0既野,

到6-7點做完我0既野我就返屋企,沖涼等老婆返黎先一齊食飯。

到夜d8點左右打比老婆,原來佢要同朋友食飯,

咁冇辦法啦,我自己一個食飯都ok 0既,

食完飯睇電視啦等老婆返黎啦,

到左12點老婆返到黎啦,佢就去左沖涼,

我問:食左咩呀,佢話:食左博多日本野,

我話:夠唔夠飽架不如我煮多個麵比妳丫,

老婆話:唔洗啦,唔想食,

咁同佢傾左一陣計,佢就要訓教啦。

係琴晚老婆介到自己隻手,我幫佢痴左塊膠布。

          《《今日我可以講,如果可以0既話我希望寫到永遠》》