我今日9點起身,老婆打黎叫我起身0既,

因為我今日要學急救呀,所以要早起,

我記得我未起身前,老婆出門口時都有鍚我一啖先走,

不知不覺呢個動作都3年啦,有時我返工返學早起我會鍚佢,

但有時會掉轉啦,咁我起身落左去食早餐, 

食完就去學急救啦,今日急救教心肺復甦法,

搵一個大人,一個Bb假公仔,吹漲佢跟住係佢心口出力咁落去,

原來都相當晒氣,有時唔岩位又吹佢唔漲= . =

miss又針對我,d同學成日問我係咪咁呀,係咪咁呀,

miss又以為我妹仔大過主人婆,處處針對我,

唔係我想架嘛,人地問到我唔通唔答人咩?

又話你咁叻不如你第一個出黎做先丫,

又話我咩唔岩咩唔岩,頂佢個肺,好彩我都識,

唔洗比佢鬧,食晏打比老婆問佢多唔多野做呢?

原來都ok多又要開會又要覆e-mai,真係辛苦,

我都幫唔到咩手,我知道我要幫得手我就讀好d急救,

做好d健身,搵一份好0既工,可以供養到老婆0既,唔洗佢辛苦嘛,

希望盡快可以做到啦,過左食晏我就又返去學急救啦,

到左6點我就走啦, 返到屋企老婆都唔洗我陪佢我都唔知有咩做好,

佢出左去話搵朋友食飯,跟住返屋企wo,

老婆叫左我好多次,你返大陸啦,你呀爺生日你返去陪下佢啦,

但我個心都唔係好放心,成日型住會出事會出事咁,

可能我多心啦,但擔心/緊張老婆係老公0既職責姐,

所以我都仲諗緊返唔返大陸好,唔好諗咁多遲d先決定,

最後希望老婆今晚早d返屋企,唔好好以以前咁,我講過我將妳之前0既事忘記得一乾二淨,

唔去諗唔去想,希望琴晚你應承我0既野,我相信妳做任何野,如果有咩出錯我會同你做最壞0既打算。

<<我相信妳知道0既,希望你做得到>>