今好乾時間咁係大陸返落黎,因為應承左老婆今日會返落黎去佢屋企陪佢等上網安裝,

返到落黎老婆都仲未起身,我就返屋企沖個涼,就過去佢到同佢食野,

去到我打比佢叫佢落黎食野,因為冇咩野食就去左食餐廳,

食完就上去等師傅黎安裝,等待其間我地冇咩好做,

一直係到等,我覺得佢屋企個廚房比到我好大0既安全感,

10個小時等,我有8個小時都係廚房坐係到,

佢叫左我好多次出去坐,我唔知點解唔想離開個廚房,

半日裡面我都食左一包煙,唔知咩事呢排食煙多左好多,

可能唔想食野啦,就食煙當食左野飽下肚啦,

我呢排發現我有精神病,抑鬱症焦慮症我都有,

有時對佢好好,好有希望,一分鐘唔夠我就會變得好失望,咩事都好以冇將來咁,

有時就自己 鬱埋鬱埋 唔理人唔出街唔想聽,有時仲會諗自殺,

我自己去買左d藥番黎食,希望對個病有幫助,

我買0既係镇靜劑,令自己可以唔諗野一陣,保住條命,

我都唔敢比老婆知我食呢d藥,亦都唔敢睇醫生,

只要老婆呃我瞞我多一次我覺得病情就會更嚴重,

所以係佢屋企我就係廚房坐左成日,我怕拍拖我怕戀愛我怕愛一個人,

唔知個病可以幾時好,幾時壞,但我都可以用意識去控制一下,

在唔係0既就食藥囉,到左夜晚我個病又開始復發,係我自己控制唔到架,

陪左老婆成日都冇事,開開心心,一到入夜就開始啦,

我開始同佢講我地冇將來不如分手,講好多野去激佢,

我什至自己一個走左去,老婆出黎搵我我先同佢返我屋企,

返屋企途中又係咁,我真係唔知咩事呀..................我好想死左佢就算數,

唔想係到做老婆0既負累,係到累人累物,

到返左屋企我就開始平靜落黎,煮飯比老婆食,

但係我全日都係食左一個晏就0既米粉,

直到訓教都冇食過一樣野,我知道我食唔到野訓唔到教係因為我個病,

但我會努力去醫好佢,唔係睇醫生,宜係用我自己意志去醫,

到我訓著左,我隻牙好痛好痛好痛好痛...............

痛到直頭不能入睡,呼吸又痛郁又痛,每一下痛都入到心裡面,

我3點開始痛訓唔到一直去到6點天光我都痛得好利害,

最後我入廁所見到有一枝漱口水係有藥性0既,

用左一啖漱口,個口痺到一d都唔痛我先訓得著,

咁多個病一齊黎我真係好辛苦,身心都好辛苦,

如果死可以解決一切的話,我都選擇一死了之。

《《辛苦》》