今日有兩件事都令到我驚0既,

第一)琴晚都係冇訓過,直到天光先恰左一陣,

咁今日我一起身隻牙痛到我不得了,痛到真係頂唔順啦,我係咁喊,真係喊出黎痛到我喊,

老婆就醒左啦,問我咩事呀?我話:我隻牙好痛呀......鳴鳴鳴鳴

佢就話:我同你去睇醫生啦,我話:但係今日7月1日紅日,唔知今日紅日有冇牙醫開呀?

老婆話:就算冇牙醫開門都要去睇急症架啦, 

我覺得係呢一年黎,我感覺到妳第一在乎關心我, 

所以我決定去拔左佢,唔知有冇牙醫會開門呢,皇天不負有心人,

我上網搵左好耐先搵到有一間冇休息,咁我就打電話去啦,

跟住我地就刷牙洗面換衫出去啦,

原先今日約左老婆老豆去飲茶傾我地0既問題架,

不過我搞到咁,daddy真係唔好意思, 

咁出到去牙醫到,我就登記啦,

登記完都未到我做,要等一排先到我,咁我就同老婆去左食野啦,

我地去左m記食野,平時我地都會叫好多野食,就算食唔晒都會叫好多,

因為樣樣都想食d嘛,今次我就叫左兩個餐唔加大,

因為我知道我都食唔到野,所以叫多都係晒左,

到食0既時間我真係食唔到多所以都凈左好多係到,我叫老婆不如你搞掂埋佢啦,

佢就驚我唔飽係咁叫我食,但我真係唔得食唔落,

食到最後牙醫打電話黎叫我返上去啦,

我上到去入房啦,同牙醫講我隻牙好痛,想拔左佢,

佢就幫我打左3枝痲痺針係牙肉到,未打果我我真係好驚,怕痛,

但係原來打落去係唔痛架,打到第3枝牙醫話呢枝可能有d痛架,

打落去真係有d痛,不過頭兩枝以經起緊作用,痺痺地咁,

跟住我就訓左係到,牙醫用個夾,夾實我隻大牙,左右左右左右咁郁,

但我一d都唔痛,跟手佢就拔左隻牙出黎啦,

原來平時係鏡到睇隻牙細細隻,拔左出黎連埋兩隻牙腳原來好大隻架,

仲好多血tim,等左好耐到攞藥啦,

跟住晏就都冇野做返屋企啦,我返到去唔知係咪出血太多關係好暈好暈咁,

老婆就叫我訓下抖下啦,因為我都好多日冇教好訓,

我不知不覺就訓著左啦。

第二件事驚係)咁我9點左右起左身,見到間房黑晒,老婆唔知去左邊,

我就出房見到佢係廳用屋企個電話同人傾緊,

我行過去問佢邊個黎架?同邊個傾緊電話?

 佢就好以好唔想收線咁收左線,老婆同我講同佢傾電話果個係『佢』<~~~~如果有睇我之前寫0既野就知『佢』係邊個!!

我就即時另轉身入房,關埋對門鎖左自己係入面,我唔想解釋,我只係知道我好失望,

 我比左好多次機會妳去改,我對妳好,點解往往都要做出一d事另我傷心失望,

我真係好驚果一刻,係到諗點解要背住我做咁多另我傷心0既事,

我係咪真係咁唔好,我係咪真係衰到咁,我係咪連一d好0既地方都冇呢?

所以妳就要搵第d人對妳好,關心妳緊張妳擔心妳,

咁妳當我係咩呢?我係咪只係妳身邊0既一隻公仔呢?

定係我只係妳身邊0既一隻狗呢?

我真係好想知,我只係知道今日發生0既事只會另我日後可以更加決絕,

當一隻狗比人迫到最盡頭0既時候就會反咬返人一啖,

我好矛盾,我一方面好想妳做更多呢d事出黎,另一方面我又唔想妳去再做,

因為妳做左我對妳0既憎恨就會大一d,遲下我亦都唔洗留手,

另一面因為妳宜家仲係我老婆,我真係唔想再發生。

《《有冇人可以教下我點樣做》》